2023 jyly Almatynyń «PIT» AEA-na jeke ınvestısıanyń jalpy kólemi 64 mlrd teńge bolatyn 52 jańa qatysýshy qabyldandy, dep habarlaıdy almaty-akshamy.kz
2023 jyly Almaty qalasyndaǵy «Inovasıalyq tehnologıalar parki» arnaıy ekonomıkalyq aımaǵynda 52 jańa qatysýshysy jeke ınvestorlardan 64 mlrd. teńge tartyp, 1 395 jumys ornyn qurady. ITP AEA aýmaǵynda osy jobalardy júzege asyrý úshin aýdany 15 gektar bolatyn 7 jer telimi bólindi.
2023 jylǵy 11 qazanda AEA aýmaǵynda medısınalyq maqsattaǵy buıymdar (kateterler, zondtar, patologıalyq materıal jınaýǵa arnalǵan konteınerler jáne t.b.) óndiretin jańa zaýyttyń irgetasy qalandy. Bul jobany «Juldyz Kenan ltd.» JSHS júzege asyrady. Investısıa kólemi shamamen 1,5 mlrd. teńge, 100 jumys orny ashylady. Qurylys 2024 jyldyń shilde aıynda aıaqtalady.
2023 jylǵy 23 qarashada ITP AEA-da «OISB Kazakhstan» elektr tehnıkalyq jabdyqtar men elektr qýatyn bólý júıelerin óndirý jónindegi Qazaqstan-Malaızıa birlesken zaýyty saltanatty túrde ashyldy. Jobany júzege asyrý úshin aýdany 0,6 ga jer ýchaskesi bólindi, jobanyń quny 980 mln. teńge. Óndiristik qýaty jylyna 2 myń ónim shyǵarýǵa eseptelgen.
Qazirgi ýaqytta «ITP» AEA aýmaǵynyń jalpy aýdany 163,02 ga, onyń 52,18 ga óndiristik alańdardy salý úshin «ITP» AEA qatysýshy kompanıalaryna jalǵa berilgen. Bul rette. «ITP» AEA aýmaǵynyń basym bóligin ınfraqurylym nysandary alyp jatyr.
«ITP» AEA aýmaǵynda ınvestısıalyq jobalardy iske asyrý úshin jer telimderi qosalqy jaldaý quqyǵymen óteýsiz negizde beriledi. Ýchaskeler qajetti ınfraqurylymmen qamtamasyz etilgen, klasterlerge bólingen jáne barlyq sanıtarlyq normaǵa sáıkes keledi.
«ITP» AEA qyzmeti bastalǵannan beri onyń qatysýshylary ınvestor kompanıalar atynan 6 664 jumys ornyn ashty, 78,6 mlrd.teńge ınvestısıa quıdy, 117,4 mlrd. teńge búdjetke salyqtar men basqa da tólemder tólendi, 707,8 mlrd. teńgege ónim óndirildi jáne qyzmetter kórsetildi. Eksport kólemi 8,6 mlrd. teńge.