Kásibı qatelikter jibergen
Keıbir BAQ-tarda jýrnalıs Mıhaıl Kozachkovty shartty túrde 3,5 jylǵa bas bostandyǵynan aıyrylǵany týraly aqparat paıda boldy, dep habarlaıdy Almaty-akshamy.kz.
Mıhaıl Kozachkovtyń advokaty Elena Jıgalónok bul aqparatty rastady, dep jazdy Zakon.kz.
"Rasynda, Almaty garnızonynyń áskerı sotynyń úkimimen Mıhaıl Kozachkov kináli dep tanylyp, shartty merzimge sottaldy. Ol qylmystyq kodekstiń 147 jáne 274-baptary boıynsha sottaldy. Jýrnalısik zertteýlerdi daıyndaý kezindegi kásibı qatelikteri úshin dep te aıtýǵa bolady", - dedi Mıhaıl Kozachkovtyń advokaty Elena Jıgalónok.
Biraq, ol Qarjylyq monıtorıńi agenttiginiń tergeý-jedel toby Kozachkovtyń Eldos Qospaevtyń uıymdasqan qylmystyq tobynyń qyzmetine eshqandaı qatysy joq ekenin, reıderlikke qolǵabys etý aıyptary alynyp tastalǵanyn anyqtaǵanyn da naqtylady. Sondyqtan Kozachkovqa qatysty 249 jáne 262-baptar boıynsha qylmystyq is ońaltý negizderi boıynsha toqtatylǵan.