Jeńil kólikter Almaty-Óskemen tasjolynyń 406-shaqyrymynda soqtyǵysqan
Jetisý oblysynda kólik apatynan úsh adam mert bolyp, eki adam jaraqat aldy, dep habarlaıdy Almaty-akshamy.kz.
27 naýryzda Aqsý aýdanynda Toyota Camry jáne Kia Rio kólikteri jol apatyna ushyrady.
Saldarynan úsh adam qaza tapty, taǵy ekeýi túrli jaraqatpen aýdandyq aýrýhanaǵa tústi.
Koreı sheteldik kóligin 40 jastaǵy áıel, al Toyota Camry kóligin 39 jastaǵy er adam basqarǵan.
Jeńil kólikter Almaty-Óskemen tasjolynyń 406-shaqyrymynda soqtyǵysqan, júrgizýshilerdiń biri rúldi basqara almaı, kólik qarsy jolaqqa shyǵyp ketken.
«Taǵaıyndalǵan saraptama qorytyndysy boıynsha tergeý barysynda jol apatyna kináli adam anyqtalady. Oqıǵa ornynda patrúldik polısıa qyzmetkerleri men tergeýshiler jumys istep jatyr», - delingen Jetisý oblystyq polısıa departamenti baspasóz qyzmetiniń habarlamasynda.