Edınbýrgte Stagecoach kompanıasynyń alǵashqy avtonomdy avtobýstary qoldanysqa berildi.
Júrgizýshisiz basqarylatyn avtobýs jolaýshylardy Shotlandıa astanasy men Fırt-of-Fort shyǵanaǵynyń ar jaǵynda ornalasqan Faıf okrýgi arasynda tasymaldaıtyn bolady, dep habarlaıdy Almaty-akshamy.kz QazAqparatqa silteme jasap.
Kólik resmı túrde pılotsyz dep atalǵanymen, is júzinde eki adamnan turatyn ekıpaj múshesi bar: bireýi «shtýrman» qyzmetin atqarady - avtomatıkada aqaý bolǵan jaǵdaıda jol men qurylǵylardy baqylaıdy, ekinshisi «kapıtan», ol kóbine bılet tekseredi jáne jolaýshylardy otyrǵyzýǵa kómektesedi.
Kompanıa bir palýbaly avtobýstar aptasyna 10 myń adamǵa deıin tasymaldaı alatynyn aıtady.
Avtobýstar borttyq kompúterde belgilengen marshrýt boıynsha qatań túrde uzyndyǵy 21 kılometr jáne 75 km/saǵ aspaıtyn jyldamdyqpen júredi.
AB1 dep belgilengen baǵyt - el úkimeti sýbsıdıalaıtyn alǵashqy resmı tirkelgen júrgizýshisiz baǵyt boldy.
Stagecoach kompanıasynan basqa, avtobýsty quraýǵa taǵy birneshe fırma men uıym qatysty, sonyń ishinde Enviro200AV mashınalary jolda kúrdeli manevrlerdi oryndaı alady, mysaly, aınalmaly qozǵalysty basqarý, baǵdarsham sıgnaldaryn ajyratý jáne jolaqtardy ózgertý sekildi.