Almatydaǵy BAKAD aımaǵynan náreste tabyldy. Bala arbada bolǵan. Bul týraly Almaty-akshamy.kz habarlaıdy.
Tabylǵan balanyń vıdeosyn TikTok jelisinde jarıalaǵan avtor sábıdi BAKAD-tyń besinshi shaqyrymynda jolyqtyrǵanyn aıtady.
"Kishkentaı balany dalaǵa tastap kettipti. Jumystan úıge jaıaý kele jatqanbyz. Júrgenimizge 40 mınýt, tipti bir saǵattaı boldy. Sábı áli jylamady, kúlimsirep jatyr. Qujat joq, eshteńe joq. Úsh-tórt aılyq bolýy kerek.
Eshkimge aıtpaı-aq qoıaıyq pa? Anań men ákeń qaıda? Olar ony osy kópirdiń astyna qaldyryp ketken. Mine, BAKAD, mine, kópir. Sonyń astyna qaldyryp ketken", - deıdi vıdeo avtory.
Almaty oblysynyń polısıa departamenti 15 mamyr kúni saǵat 10:08 shamasynda kámeletke tolmaǵan balanyń tabylǵany týraly habarlama túskenin habarlady.
"Bul aqparat Qarasaı aýdandyq polısıasyna tirkeldi. Bul faktini tekserý barysynda oqıǵa ornyna dereý polısıa jasaǵy jóneltilip, kóp uzamaı balanyń anasy anyqtaldy. Anaǵa qatysty QR ÁQBtK-niń 127-babynyń 1-bóligi boıynsha ákimshilik hattama toltyryldy. Ata-analarmen túsindirme sıpattaǵy profılaktıkalyq áńgime júrgizilip, olar QR Qylmystyq kodeksiniń jáne Ákimshilik quqyq buzýshylyq týraly kodeksiniń baptarymen tanystyryldy", - dep habarlady polıseıler.