Áleýmettik jelide avtobýs júrgizýshilerine tap bergen eki vıdeo tarady. Onyń biri Astanada oryn alsa, ekinshisi Aqtaýda órbigen, dep habarlaıdy almaty-akshamy.kz.
Astanada kele jatqan avtobýstyń aldyn kesip toqtaǵan KIA kóliginiń júrgizýshisi avtobýstyń júrgizýshisine kelgen. Sodan keıin qolyndaǵy burysh spreıimen júrgizýshiniń betine shashyp, ózi oqıǵa ornynan qashyp ketken. Araǵa ýaqyttar salyp ol ustaldy. Buzaqylyq úshin 10 kúnge qamaýǵa alyndy.
Al Aqtaýda oryn alǵan oqıǵada jolaýshy esh sebepsiz júrgizýshini urýǵa talpynady. Sol kezde qoǵamdyq kólik ishindegi adamdar ony toqtatpaq bolǵan. Degenmen júrgizýshige umtylǵan jolaýshy qol jumsap úlgerdi. Jolaýshydan taıaq jegen júrgizýshi de ese alý maqsatynda kólikti toqtata salyp júgiredi. Osy kezde jolaýshy syrtqa qashyp úlgergen.