74 jastaǵy almatylyq Valentına Proskurına jaqynda Tarazdaǵy unıversıtetterdíń bírínde dıplom aldy, dep habarlaıdy aqshamnews.kz.
Onyń alǵashqy mamandyǵy – ınjener-ekonomıst. Mektepke deıíngí tárbıe salasynda eńbek etken sarapshy endí sūranysqa ıe zańgerlerdíń bírí atanǵysy keledí.
"24kz" arnasynyń habarlauynsha, Valentına Proskurına unıversıtette jekemenshík balabaqshalardyń qyzmetín retteu máselesí boıynsha jazǵan dıplomdyq jūmysyn úzdík qorǵap shyqqan.
Ol ekí jyldyq oqu barysynda bírde-bír ret sabaqtan qalmaǵan eken. Osy uaqyt aralyǵynda qūqyqtanu salasynda dárís ala júríp, bílím kókjıegín keńeıtken. Valentına Pavlovna jas degen jańa nársege ūmtyludyń shegí emes, tek san ǵana ekenín, bílímge degen qūshtarlyqtyń shegí bolmaıtynyn dáleldep berdí.
"120 jyl ómír súrgím keledí, belsendí, bastamashyl jáne eńbekke qabílettí bolǵym keledí", – deıdí zeınetker-túlek.
Aıta ketu kerek, unıversıtet rektory Valentına Pavlovnadan bes jas kíshí eken. Ol rektorlyq qyzmetínde mūndaı jaǵdaıǵa alǵash ret kez bolǵan.
Valentına Pavlovna Almatyda tūryp, osy qalada jūmys ísteıdí. Ol – buhgalterlík esep boıynsha 20-dan astam kítap pen maqala avtory. Toǵyz nemere men ekí shóberesí súıíp otyrǵan baqytty áje endí magıstraturaǵa túsudí oılap júr.