emdeýdiń ınovasıalyq ádisi almatylyqtardyń ómirin qalaı saqtaıdy
Almaty Qalalyq kardıologıalyq ortalyǵynda koronarlyq arnasynyń úsh tamyry zaqymdanǵan 70 jastaǵy naýqasqa kúrdeli ota jasaldy.
"Naýqas bizge aýyr jaǵdaıda tústi, koronografıa kezinde biz júrek bulshyqetin qanmen qamtamasyz etetin úsh júrek tamyrynyń bitelgenin kórdik. Ekeýi tolyǵymen bitelip, úshinshisi aýyr jaǵdaıda, 95%-ǵa bitelgen edi. Shuǵyl túrde ota jasaý kerek boldy, óıtkeni naýqas ınfarkt qaýpine ushyrady. Mundaı aýyr jaǵdaımen ádette aorta-koronarlyq shýnttaý usynylady. Alaıda naýqas mundaı otadan úzildi-kesildi bas tartty. Sondyqtan biz oǵan stentteý arqyly revaskýlárızasıa jasadyq. Tamyrlardyń ótkizgishtigin qalpyna keltirý úshin tórt stent ımplantasıaladyq. Bul ádis sozylmaly oklúzıa kezinde kúrdeli aralasýǵa múmkindik beredi ári pasıent úshin qaýipti barynsha azaıtady", - deıdi Qalalyq kardıologıalyq ortalyqtyń ıntervensıalyq kardıology Aıjan Qulanbaeva.
Ota Máskeýden kelgen maman, medısına ǵylymdarynyń doktory, profesor Aleksandr Osıevpen sozylmaly oklúzıalar men koronarlyq arterıalardyń kúrdeli zaqymdanýlary boıynsha sheberlik synyby aıasynda júrgizildi. Profesordyń kúrdeli zaqymdanýlar, sozylmaly jalpy oklúzıalar, koronarlyq arterıalardyń kálsılengen zaqymdanýlary úshin aınalmaly aterektomıa kezinde TKA-da úlken tájirıbesi bar.
Profesormen birge koronografıa nátıjesin talqylaǵannan keıin otanyń ońtaıly taktıkasy anyqtaldy.
Ota nátıjesi tańqalarlyq boldy - naýqastyń jaǵdaıy birden jaqsaryp, tynys alýy jeńildedi.
"20-25 metr jaıaý júrgende demim qysylyp qalatyn. Qysylyp qana qoımaı, tunshyǵatynmyn. Aýrýhanaǵa túsip, stent jasattym. 4 stent qoıyldy. Bilesiz be, men qaıta týǵandaı boldym. Munyń bári meni ómirge qaıtarǵan dárigerlerdiń arqasynda. Qudaı olarǵa baqyt pen densaýlyq bersin. Osyndaı adamdar kóp bolsyn", - deıdi naýqas otadan keıin.
Ota aýyrtpalyqsyz jáne kesýsiz, qoldy tesý arqyly jáne tek jergilikti anestezıany qoldaný arqyly ótti.
Munyń bári júrek-qan tamyrlary aýrýlary bar naýqastardy emdeý kezinde qoldanylatyn ozyq ádisterge basa nazar aýdarady.
Buǵan deıin ish aortasynyń protezdeýine qaramastan, ota sátti ótti jáne naýqas tez qalpyna keldi.
Bul jaǵdaı tipti eń qıyn jaǵdaıda da dárigerlerdiń kásibıligi men ozyq ádister pasıenttiń ómirin túbegeıli ózgerte alatyn qolaıly nátıjelerge ákelýi múmkin ekenin kórsetedi.
Jalpy, master-klass aıasynda kúrdeli jaǵdaıy bar pasıentterge osyndaı 5 ota jasaldy.