Almaty qalasy Jastar saıasaty basqarmasy jastardyń jumys izdeýine arnalǵan Jobfair365 biryńǵaı platformasyn iske qosty. Qyzmetter tizimin https://jasalmaty.kz/ saıtynan kórýge bolady, dep habarlaıdy Almaty-akshamy.kz.
Baǵdarlama úsh aspektini qamtıdy - jastarǵa óz mamandyǵy boıynsha jumys tabýǵa kómektesetin jumysqa ornalastyrý qyzmeti, bilim berý baǵdarlamalaryna qol jetkizýdi qamtamasyz etetin tegin kýrstar qyzmeti jáne qalamyzdyń jastaryna arnalǵan aqparattyq portal.
Sonymen qatar, saıtta sertıfıkat beretin orys jáne qazaq tilderindegi qysqa merzimdi kýrstar bar.
Qysqa merzimdi kýrstardyń tizimin anyqtaý úshin eńbek naryǵyndaǵy suranysqa taldaý júrgizildi. Taldaý jastardy tabysty jumysqa ornalastyrý úshin qajetti ózekti ári suranysqa ıe mamandyqtardy anyqtaýǵa múmkindik berdi. Osylaısha, kýrstar aqparattyq tehnologıa, sıfrlyq marketıń, qarjy, býhgalterlik esep, jobany basqarý, kásipkerlik, dızaın, satý menedjeri, SMM menedjeri, mobılograf, grafıkalyq dızaıner, targetolog, týroperator, gıd, kýrer, haýskıper jáne t.b. salalardy qamtıdy.
Kýrstyń baǵytyna baılanysty sabaq 20-dan 30-ǵa adamǵa deıingi topqa ótkiziledi. Paıdalanýshylar aptasyna 3 ret 2-3 saǵat oqıdy, onda oqytýdyń teorıalyq bóligi 1 aıdan 1,5 aıǵa deıin sozylady.
Qazirgi ýaqytta portalda 3,7 myń bos jumys orny bar jáne 20 óńirden 1,5 myń jumys berýshi tirkelgen. Búginde 10,2 myń adam oqytyldy, onyń 9,2 myńy jumysqa ornalastyryldy.