Almatyda qoqystardy suryptaý kezinde ańshy myltyǵy tabyldy, – dep habarlaıdy almaty-akshamy.kz.
Polısıaǵa qoqys suryptaıtyn zaýyttan dabyl kelip tústi. Abonenttiń aıtýynsha, metal buıymdar qoımasynan qarý tabylǵan. Oqıǵa ornynan jedel-tergeý toby TOZ-12 markaly 12 kalıbrli myltyqty tárkiledi. Bul derek boıynsha tergeý bastaldy. Saraptama taǵaıyndaldy, onyń qorytyndysy boıynsha qarýdyń kimdiki ekeni jáne qaıdan alynǵany anyqtalatyn bolady. Polısıa qazirgi ýaqytta ótkizilip jatqan keń aýqymdy respýblıkalyq “Quqyqtyq tártip” is-sharasy aıasynda azamattyq jáne qyzmettik qarý ıeleri men paıdalanýshylarynyń qarý aınalymy erejelerin saqtaýyna qatysty tekseris júrgizilip jatqanyn eske saldy.
– İs-shara bastalǵannan beri qarýdy saqtaý erejelerin buzýdyń 190-nan astam deregi anyqtaldy. Sonymen qatar zańsyz aınalymnan 8 birlik tirkelmegen qarý, sondaı-aq tegis uńǵyly qarýdyń patrondary tárkilendi. Atalǵan derekter boıynsha tıisti polısıa bólimderimen sotqa deıingi tergeý amaldary júrgizilýde. Almaty polısıasy qarý ıelerin azamattyq jáne qyzmettik qarý aınalymy salasyndaǵy zańnama talaptaryn múltiksiz saqtaýǵa, ruqsattardyń qoldanylý merzimin jáne olardy turǵylyqty jeri boıynsha saqtaý erejelerin qatań saqtaýǵa shaqyrady, – dedi Almaty qalalyq PD ákimshilik polısıa basqarmasynyń bastyǵy Asqat Qulbaev.