Jún óńdeıtin kásiporyn salýǵa 217 mln teńgege deıin sýbsıdıa beriledi.
Jún óńdeý kásiporyndarynyń qurylysyna ketken shyǵyndy ınvestısıalaıtyn qarajat kólemi 868 mln teńgeden aspaýy kerek. Memleket sonyń 25 paıyzyna sýbsıdıa beredi. «Memlekettik satyp alý týraly» zań jobasyna osyndaı ózgeris engizilmekshi, -dep habarlaıdy Almaty-akshamy.kz. QazAqparatqa silteme jasap.
Bul týraly Premer-Mınıstr Álıhan Smaıylov Májilis depýtattarynyń saýalyna joldaǵan jaýabynda aıtty.
«Memlekettik satyp alý týraly» zań jobasynyń retteýshilik saıasattyń konsýltatıvtik qujatymen otandyq taýar óndirýshilerdi qoldaý, sondaı-aq sapaly taýarlardy satyp alý maqsatynda tapsyrys berýshige otandyq ónim berýshiler óndiretin birneshe taýarlardyń fırmalyq ataýlaryn kórsetýge múmkindik berý kózdelgen. Qazirgi kezde atalǵan zań jobasy múddeli memlekettik organdarmen kelisilip jatyr. Óz kezeginde júndi óńdeý salasyn damytý úshin Investısıalyq salymdar kezinde agroónerkásiptik keshen sýbektisi shekken shyǵystardyń bir bóligin óteý boıynsha sýbsıdıalaý qaǵıdalary sheńberinde jańa kásiporyndardy salý jáne jumys istep turǵandaryn jańǵyrtý kezinde jún jýý kásiporyndarynyń shyǵyndaryn óteý kózdelgen. Jún óńdeý kásiporyndary qurylysynyń eń joǵary ruqsat etilgen quny 868 mln teńgeni, keńeıtý 430 mln teńgeni quraıdy. Investısıalyq salymdardy óteý úlesi 25% quraıdy», - delingen jaýapta.
Sondaı-aq, Úkimet basshysynyń aıtýynsha, jún daıyndaýshy uıymdarǵa memlekettik qoldaý retinde jún qyrqý pýnkterin, jyljymaly qyrqý pýnktin, qoı qyrqatyn elektrlik mehanıkalyq qural-saımandardy 25 % mólsherde sýbsıdıalaý qarastyrylǵan.
«Budan basqa, aýyl sharýashylyǵy janýarlarynyń júnin óńdeý taýarlary Agroónerkásiptik keshen sýbektilerine kredıt berý, sondaı-aq aýyl sharýashylyǵy janýarlaryn, tehnıkasy men tehnologıalyq jabdyǵyn satyp alýǵa lızıń kezinde syıaqy mólsherlemelerin sýbsıdıalaý qaǵıdalarynyń Aýyl sharýashylyǵy ónimin óndirý jáne (nemese) óńdeý salasyndaǵy basym jobalar boıynsha kredıt jáne qarjylyq lızıń beriletin taýarlar tizbesine engizilgen. Memlekettik búdjetten «Ónerkásipti damytý qory» AQ quraldary arqyly 3% kredıttik mólsherlememen jeńil ónerkásiptiń ınvestısıalyq jobalaryn qarjylandyrý úshin 50 mlrd teńge bólindi», - dep jazady Álıhan Smaıylov.