Jumyssyz qalǵan adamdar úshin Almatynyń mansap ortalyǵynda qysqa merzimdi kásiptik oqytý kózdelgen. Ol tegin júrgiziledi, alty aıdan aspaıdy jáne búkil oqý kezeńine shákirtaqy tóleýdi kózdeıdi. Bul týraly Óńirlik komýnıkasıalar qyzmetiniń alańynda Almaty qalasynyń Mansap ortalyǵynyń basshysy Ádilet Jańabaev málimdedi, dep habarlaıdy almaty-akshamy.kz
Ol qysqa merzimdi kásiptik oqytý tek jumys izdeýshilerdiń ǵana emes, jumys berýshilerdiń de suranystaryn jabatynyn atap ótti.
«Eńbek mobıldiligi ortalyǵynyń negizgi maqsaty jumys izdeýshiniń jumys tabýyna jáne kadrlardy irikteýde jumys berýshilerge kómek kórsetý, sondaı-aq jumyspen qamtýǵa járdemdesýdiń belsendi sharalaryn júzege asyrý jáne jumyssyzdyqtan áleýmettik qorǵaýdy uıymdastyrý bolyp tabylady», - dedi Ádilet Jańabaev .
Qazaqstannyń eńbek naryǵyn damytýdyń 2024-2029 jyldarǵa arnalǵan tujyrymdamasy bekitildi.
Ádilet Jańabaev jumyssyzdardy kásiptik oqytý týraly aıtyp berdi.
«Oqytý jumys berýshilerdiń ótinishi boıynsha oqý ortalyqtarynda jáne jumys berýshilerdiń jumys ornynda júrgiziledi. Oqý uzaqtyǵy 6 aıǵa deıin. Jobaǵa qatysýshylar oqý aqysy, bilim berý uıymdary jáne jumys berýshiler (70 myń teńge), jumys izdeýshiler (32 681 teńge) stıpendıa nemese (73 840 teńge) jalaqy sıaqty memlekettik qoldaýmen qamtamasyz etiledi. Oqý aıaqtalǵannan keıin jumys berýshi jumyssyzdardy alǵan mamandyǵy boıynsha turaqty jumys ornyna (keminde 6 aı merzimmen) jumysqa ornalastyrýǵa mindetteledi», – dep naqtylady ol.
Aǵymdaǵy jyly kásiptik oqytý kýrstaryna 34 mamandyq (shashtaraz, tiginshi, massajıst (medısınalyq emes), aspaz, avtoelektrık, kondıter, býhgalter, avtoslesar, týrızm jónindegi agent, naýbaıshy, kıim dızaıneri jáne t.b.) boıynsha 950 jumyssyz (oqý ortalyqtaryna (OO) – 740 adam, jumys berýshiniń jumys ornyna (JO) – 210 adam) jiberý josparlanýda.
Onyń aıtýynsha, 2024 jyldyń maýsym aıynda oqýǵa 184 adam jiberilgen.
Jappaı kásipkerlikti damytý sheńberinde 400 eselengen aılyq eseptik kórsetkish mólsherine deıin (1 476 800 teńge) memlekettik granttar berý kózdelgen - bul jańa bıznesti bastaý jáne damytý úshin qaıtarymsyz negizde beriletin bastapqy kapıtal.
Grant qarajaty isin jańa bastaǵan kásipkerlerge, sondaı-aq jekelegen áleýmettik sanattarǵa jatatyn adamdarǵa (AÁK jáne kóp balaly retinde, asyraýshysynan aıyrylý jaǵdaıy boıynsha járdemaqy alýshylar, qandastar, múgedek balany tárbıeleýshiler, múgedektigi bar adamdar) ózderiniń bıznes-áleýetin iske asyrýǵa, óndiristi jolǵa qoıýǵa jáne damytýǵa, sol arqyly ózin turaqty tabyspen qamtamasyz etýge múmkindik beredi.
ÓKQ spıkeri granttar kelesi baǵyttardy damytýǵa ǵana beriletinin atap ótti: qajetti qural-saımandar, eńbek quraldary, tehnologıalyq jabdyqtar, janýarlardy, maldy, qusty, kóshetterdi, butalardy, tuqymdardy satyp alý, úı-jaıdy jalǵa alý aqysyn tóleý.
Granttar tutyný maqsattaryna, kredıttik qaryzdardy óteýge, turǵyn úı jyljymaıtyn múligin satyp alýǵa jáne salýǵa, jer ýchaskelerin satyp alýǵa, aksızdeletin ónim óndirýge berilmeıdi. Maqsatsyz paıdalanǵany úshin 2020 jyly - 342 talap-aryzy, 2021 – 2022 jyldary – 106 talap-aryzy, 2023 jyly - 255 talap aryzy sotqa berildi.
«2024 jyly Almaty qalasy boıynsha jańa bıznes-ıdeıalardy iske asyrýǵa 528 mln 694 myń teńge somasyna 358 grant beriletin bolady», – dedi Ádilet Jańabaev.
Granttar berý eki lek boıynsha júzege asyrylatyn bolady:
- I lek (ótinishterdi qabyldaý 20 mamyrdan 31 mamyrǵa deıin) - 179 grant;
- II lek (ótinishterdi qabyldaý 15 shildeden 26 shildege deıin) – 179 grant.
Birinshi lek boıynsha 2024 jylǵy 20-31 mamyr aralyǵynda business.enbek.kz portalyna úmitkerlerden 902 ótinish tústi.
Birinshi lek boıynsha ótinishterdi qaraý jónindegi komısıanyń otyrysy 2024 jylǵy 3-13 maýsym aralyǵynda ótti. Komısıa otyrysy aıaqtalǵannan keıin mansap ortalyǵynyń qyzmetkerleri 2024 jylǵy 14 maýsymda komısıa otyrysynyń hattamasyna sáıkes «Eńbek naryǵy» AAJ-ǵa komısıa sheshimin engizdi. Komısıa 179 grantty maquldady (74 jumyssyz, 105 JK).
Bıznes-jobalar bólimderi:
- Tigin sehy, atele 40 grant;
- Naýbaıhana jáne aspazdyq – 37;
- TQS (dóńgelek jóndeý, avtomobılderdi jóndeý boıynsha qyzmetter) - 17;
- Sulýlyq salony (shashtaraz, kosmetologıalyq qyzmetter), massaj – 12;
- Balalar men eresekterge arnalǵan qosymsha bilim – 12;
- Baspa isi jáne kompúterlik qyzmetter – 12;
- Meıramhanalar men azyq-túlik jetkizý qyzmetteri - 11;
- Qurǵaq tazalaý / klınıng - 9;
- Daıyn tamaq ónimderi men jartylaı fabrıkattar óndirisi - 9;
- Jıhaz óndirisi - 5;
- Syılyq maıshamdaryn, gıpsten jasalǵan buıymdardy óndirý - 4;
- Plasıkalyq terezeler óndirisi, jýylǵan betonnan jasalǵan buıymdar - 3;
- Anımasıalyq beınerolık, beınemontaj - 2;
- Býhgalterlik qyzmetter - 1;
- Kókónister men baqsha tamyrlaryn jáne túınek daqyldaryn ósirý - 1;
- Medısına salasyndaǵy qyzmet - 1;
- Sút ónimderin óndirý - 1;
- Ara sharýashylyǵy - 1;
- Zertteý úshin "FPV drondaryn" qurý - 1 grant.