Almatynyń mansap ortalyǵynda áleýmettik jumys oryndary degenimiz ne jáne olar kimge arnalǵany týraly aıtty
Búgingi tańda jumysqa ornalasý - eń ótkir máselelerdiń biri, jumys barlyǵyna qajet. Óńirlik komýnıkasıalar qyzmetiniń brıfıńi barysynda Almaty qalasynyń Mansap ortalyǵynyń basshysy Ádilet Jańabaev áleýmettik jumys oryndary degenimiz ne, olar qalaı erekshelenedi jáne onyń kimge arnalǵany týraly aıtty, dep habarlaıdy almaty-akshamy.kz
Áleýmettik jumys oryndary jumyssyz qazaqstandyqtardy jumysqa ornalastyrý úshin jumys berýshi men jergilikti atqarýshy organ arasyndaǵy sharttyq negizde qurylady. Bul rette jumys berýshiniń menshik nysany mańyzdy emes.
Almatynyń eńbek naryǵy birneshe baǵyt boıynsha damýda.
Birinshisi - áleýmettik jumys oryndary, sonyń arqasynda jumyssyzdar men múgedektigi bar adamdar úshin 12 aıǵa deıingi merzimge ýaqytsha jumys oryndaryn qurý kózdelgen. Jalaqynyń bir bóligin memleket sýbsıdıalaıdy, ıaǵnı jumys berýshiniń belgilengen jalaqy mólsheriniń 35% - yn, biraq 24 AEK-ten (88 608 teńge) aspaıdy.
ÓKQ spıkeri jyl basynan beri áleýmettik jumys oryndaryna 519 adam jiberilgenin (2023 jyly – 985 adam) atap ótti.
Ekinshisi - qoǵamdyq jumystar. Olar biliktiligi joq adamdar úshin 12 aıdan aspaıtyn merzimge ýaqytsha jumys oryndaryn qurýdy kózdeıdi. Jalaqyny tolyq kólemde memleket 30 AEK mólsherinde tóleıdi, bul aǵymdaǵy jyly 110 760 teńgeni quraıdy.
Jyl basynan beri qoǵamdyq jumystarǵa 6 720 adam jiberildi (2023 jyly – 13 241).
Úshinshi baǵyt - Jastar praktıkasy - 12 aıdan aspaıtyn merzimde mamandyǵy boıynsha bastapqy jumys tájirıbesin alý úshin 35 jastan aspaǵan, sońǵy bes jyl ishinde oqýyn aıaqtaǵan, JOO jáne OOO túlekteri qataryndaǵy jumyssyzdarǵa arnalǵan. Jalaqyny tolyq kólemde memleket 30 AEK mólsherinde tóleıdi, bul bıyl 110 760 teńgeni quraıdy.
Jastar tájirıbesine 134 qatysýshy jiberildi (2023 jyly – 899).
Tórtinshi baǵyt - "Birinshi jumys orny" jobasy, ol 35 jastan aspaǵan jastarǵa, onyń ishinde jumys tájirıbesi joq NEET sanatyndaǵy jastarǵa 18 aıdan aspaıtyn merzimge ýaqytsha jumys oryndaryn qurýdy kózdeıdi, onda 6 aı ishinde jalaqyny memleket 30 AEK mólsherinde tóleıdi, bul aǵymdaǵy jyly 110 760 teńgeni quraıdy.
Bıyl jobaǵa 48 adam jiberildi (2023 jyly – 413).
Besinshi joba - "Urpaqtar kelisimsharty" jobasy, 35 jastan aspaǵan jáne 3 jyl ishinde oqý oryndaryn bitirgen túlekter úshin 6 aıdan aspaıtyn merzimde ýaqytsha jumys oryndaryn qurýdy kózdeıdi, onda memleket 30 AEK mólsherinde jalaqy tóleıdi, bul aǵymdaǵy jyly 110 760 teńgeni quraıdy.
2024 jyly joba boıynsha 4 adamdy jiberý josparlanýda (2023 jyly – 4).
Altynshy baǵyt - "Kúmis jas".
"50 jastan asqan jumyssyzdardyń ekonomıkalyq belsendiligin arttyrýǵa baǵyttalǵan joba, 36 aıdan aspaıtyn merzimge shart jasasýdy kózdeıdi. Jalaqyny jyl saıyn memleket 70% – dan 60% - ǵa deıin sýbsıdıalaıdy, biraq 30 AEK-ten (110 760 teńge) artyq emes ", - dep túsindirdi Ádilet Jańabaev.
Qazirgi ýaqytta jobaǵa 122 adam qatysýda. (2023 jyly – 385).