Qazaqstan Respýblıkasynyń Prezıdenti 2025 jyldy «Jumysshy mamandyq jyly» dep jarıalady. Bul sheshim eldegi óndiris sektordy damytý, eńbek narǵynyndaǵy suranysqa ıe mamandyqtarynyń mártebesin arttyrý maqsatynda qabyldandy.
Jumysshy mamandyqtary – qoǵamnyń irgetasyn quraıtyn kásipter. Zamanaýı tehnologıalar qanshalyqty damyǵanymen, eńbek adamynyń orny bólek. Avtomattandyrylǵan júıelerdiń ózine de qyzmet kórsetý úshin bilikti mamandar qajet. Osy júıelerdiń úzdiksiz jáne qaýipsiz jumys isteýin qamtamasyz etetin mamandar – elektrıkter.
Elektrıkter – zamanaýı qoǵamnyń ajyramas bóligi jáne jumysshy mamandyqtardyń eń qajetti salalarynyń biri. Elektr energıasy búgingi kúni tek turmystyq qajettilikterdi qanaǵattandyrýmen shektelmeıdi, sonymen qatar tehnogıalardyń, óndiris pen qyzmet kórsetý salalarynyń negizin quraıdy.Elektrık mamandyǵy joǵary kásibı daıyndyqty, tehnologıalyq bilim men daǵdylardy qajet etetin sala. Bul mamandar qaýipti jaǵdaıda jumys istep, joǵary jaýapkershilik júkteıdi.
Elektrık mamandaryna qoıylatyn talaptar da az emes. Olar turmysta jáne ónerkásipte qoldanylatyn elektr jabdyqtardyń qurylymyn, jumysyn bilý. Sonymen qatar olardyń sulbalaryn (sqemalaryn) túsiný qajet. Elektr qural – jabdyqtarmen jumys jasaǵanda qaýisizdik erejesi birinshi orynda turady. Apattyq jaǵdaıda jedel áreket etý, zamanaýı tehnologıalardy meńgerý árbir elektrıkterge qoıylatyn talaptar.
Memleket pen qoǵam tarapynan elektrıkterdi qoldaý men damytýǵa erekshe nazar aýdarylýda. Elektrık mamandyǵyna jastardy tartý úshin jáne sapaly bilim men tájirıbe alýǵa múmkindik týdyrý úshin kollejderde jańa tehnogıalarmen oqytý dárisqanalar men zerthanalar jabdyqtalýda. Almaty elektrmehanıka kolej bazasynda «Elektr jáne elektromehanıkalyq jabdyqtar» quzyrettilik ortalyq halyqaralyq birlesken yntymaqtastyq «Jancer HR academy» JSHS-i men nemis bilim berý uıymdarynyń qatysýymen ashyldy.
Quzyrettilik ortalyq – tehnıkalyq jáne kásiptik bilim berý salasyndaǵy jańa deńgeıge kóterilgen sheberhanalar. Zerthanalyq dárisqanalar elektrıkterdiń bilimderin is júzinde qoldanýǵa, zamanýı qural- jabdyqtardy meńgerýge jáne naqty jumys jaǵdaılarynda tájirıbe jınaýǵa arnalǵan. Sonyń biri «Basqarý júıelerin avtomattandyrý» zerthanalyq dárisqana. MTB búdjetten tys qarajat esebinen AEMK" KMQK men "Smart Light Group" JSHS arasyndaǵy yntymaqtastyq jáne ózara is-qımyl týraly Memorandýmǵa qol qoıylyp, "Smart Light Group" JSHS kolej sheberhanasynda zerthanalyq dárisqanany «Aqyldy úı» zamanýı quraldarymen jabdyqtap berdi. Elektrık mamandyǵy tek symdardy ornatýmen shektelmeıdi, sonymen qatar «aqyldy» júıelerdi ornatý baǵdarlamalaý jáne basqarý boıynsha mamandardy daıarlaýǵa baǵyttalǵan. Zerhanalyq dárisqanada «Aqyldy úı» júıelerin ornatý, avtomattandyrý júıelerin ornatý, avtomattandyrý júıelerin baǵdarlamalaý jáne basqarý oqytylady.
Elektrıkter – jumysshy mamandyqtardyń ishindegi eń mańyzdy jáne jaýapty sala ókilderi. Olardyń eńbegi – qoǵamnyń qaýipsizdigi men turaqtylyǵynyń negizi. Elektrık mamandyǵyn qoldaý, damytý – eldiń áleýmettik jáne ekonomıkalyq damýyna qosylǵan úles. Elektrık – zamanýı qoǵamnyń negizin quraıtyn, kórinbeıtin qaharmandardyń biri.
Toqtymanova Aınash Nurmuhanbetqyzy (pedagog-zertteýshi),
Almaty elektrmehanıkalyq koleji
Arnaıy pánder oqytýshysy