Vernısajda «Taý», «Gúlder», «Aspan deneleri» jáne basqa da toptamalardan quralǵan týyndylar qoıylady, dep habarlaıdy aqshamnews.kz.
Kórmeniń mazmundyq ózegin avtordyń «Antılabırınt» atty kartınalar serıasy quraıdy. «Antılabırınt» –avtordyń ózi oılap tapqan, buryn-sońdy bolmaǵan uǵym. Bul – árbir jol mindetti túrde maqsatqa aparatyn, labırıntke qarama-qaıshy tujyrymdama.
Jazıra Janabaeva – Eýrazıalyq Shyǵarmashylyq Gıldıasynyń múshesi, kásibı sýretshi. Onyń shyǵarmalary Eýropa mýzeılerinde jáne álemniń túrli elderindegi jeke koleksıalarda saqtaýly. Sondaı-aq, týyndylary halyqaralyq baıqaýlar men kórmelerde qazylar alqasy tarapynan joǵary baǵalanǵan.
Bıyl Jazıra ıspandyq «TARTget Painting Prize 2025» beldi sýret konkýrsynyń fınalısti atandy. Al 2025 jyldyń mamyr aıynda Londonda ótetin Woman’s Essence Show 2025 kórmesinde St.Art Gallery galereıasynda toptyq kórmege qatysyp, Woman’s Art Award júldesine ıe bolmaq. Bul kórmeniń kýratory – Venesıandyq bıennaleniń ulttyq pavılondarynyń kýratory jáne Mılannyń Brera sýret akademıasynyń profesory Vıvıana Vannýchchı.
Avtor «Kórkem tekstıl» mamandyǵy boıynsha akademıalyq bilim alǵan. Onyń súıikti tehnıkalary – jibekke sýret salý jáne qolmen toqyma toqý. Sonymen qatar, Jazıra Janabaeva Almatydaǵy eń kóne beıneleý óneri stýdıalarynyń biri – «Sınáá cherepaha» stýdıasynyń basshysy bolyp 20 jyldan astam qyzmet atqaryp keledi. QR Ortalyq mýzeıinde «Sınáá cherepaha» art-stýdıasynyń kóptegen kórmeleri úlken tabyspen uıymdastyrylyp, oǵan 150-den astam bala qatysty.
Sýretshiniń manıfesi: «Men ulttyq qoldanbaly óner dástúrlerin saqtaýdy ǵana emes, olardy jańǵyrtýdy da maqsat etemin. Meniń maqsatym - gobelen, batık, kıiz sıaqty óner túrlerin qazirgi zamanǵy art-dıskýrsqa engizý. Barlyq jumystaryma tek ekologıalyq taza materıaldardy – jibek pen júndi qoldanamyn. Sońǵy 15 jylda shyǵarmashylyq tájirıbem mandala ónerimen tolyqty. Dástúrli mandala – bul ortalyqtan bastalatyn dóńgelek sýret, ol rýhanı tájirıbelerde, art-terapıada jáne ónerde qoldanylady. Men baǵdarlamalaýshy mandalalarmen jumys isteımin. Mandala jasaýdyń barysynda medıtasıa, tús psıhologıasy, oıý-órnekterdiń sımvolıkasy, tústerdiń tilin, qazaq taıpalarynyń kóne tańbalaryn jáne nýmerologıany qoldanamyn. Mandala keńistiginde men sanadan tys kúıge qol jetkizip, tiri shyǵarmashylyq prosesine senim artýǵa múmkindik alamyn, áleýmettik, genderlik nemese kásibı sharttardan táýelsiz bolamyn. Mandala – bul shyǵarmashylyq medıtasıa. Dóńgelek. Absolút. Tolyqtyq. Bosatý. Ózińmen jáne álemmen birtutas bolý múmkindigi. Mandala – bul álemge jiberilgen habarlama, manıfes».
Avtordyń kelesi jeke kórmesi mamyr aıynda Londonda Eýrazıalyq Shyǵarmashylyq Gıldıasynyń art-festıvali aıasynda ótedi.
Jazıra Janabaeva 15 jyldan astam ýaqyttan beri mandala ónerimen aınalysyp keledi. Onyń kórmesinde ómir fılosofıasyn, sakraldy sımvolızmdi beıneleıtin, adamnyń rýhanı kúıi men jan dúnıesin aıqyndaıtyn, sondaı-aq uzaq ómir súrýge, kúsh-qýatty arttyrýǵa jáne urpaqtyń bolashaǵyn qorǵaý úshin baǵyttalǵan 20-ǵa jýyq týyndy usynylady.
Kórme 2025 j. 1 mamyryna deıin jalǵasady.