Jumysshy mamandyqtary – el ekonomıkasynyń negizi. Qazaqstannyń damýy men órkendeýi tikeleı kásibı mamandarǵa baılanysty. 2025 jyldyń Jumysshy mamandyqtar jyly dep jarıalanýy – bul eńbek adamdaryna, tehnıkalyq jáne kásiptik bilim berý júıesine kórsetilgen zor qoldaý. Qazirgi zamanda bilikti jumysshy – suranysqa ıe, turaqty tabysy bar jáne eldiń damýyna tikeleı úles qosatyn maman. Kolejder – bolashaq mamandar ustahanasy deýge bolady, sebebi dál osy jumysshy kadrlardy daıyndaıtyn bilim berý ortalyqtary.
Men Jumamuratova Aıdana jumysshy mamandyqtardy daıarlaıtyn Almaty elektrmehanıka kolejinde arnaıy pán oqytýshysy retinde, bolashaq mamandardy tárbıeleýge óz úlesimdi qosyp kelemin. Kolejimizde jyl saıyn 300-den astam bilim alýshylar qoǵamǵa qajetti biliktilikti meńgerip shyǵýda, olar tehnık-elektrık men elektr montajdaýshy mamandar. Kolejder tek bilim beretin oryn ǵana emes, stýdentterdiń kásibı sheberligin shyńdap, zamanaýı tehnologıalardy ıgerýine múmkindik jasaıtyn orta.
Almaty qalasyn damytýdyń 2025 jylǵa deıingi baǵdarlamasyna sáıkes 2023 jyly kolej tarapynan Brazılıanyń San-Paýlý qalasyndaǵy Festo oqý ortalyǵynda kásibı biliktiligimdi arttyrý maqsatynda halyqaralyq taǵylymdamadan óttim. Bul sapar barysynda zamanaýı ádistemelerdi meńgerip, oqý prosesiniń qurylymy men halyqaralyq deńgeıdegi daıyndyq júıesimen tanystym. Ortalyqtyń jetekshisi Gonsalo Mora bizge WorldSkills chempıonatynyń uıymdastyrylýy týraly jan-jaqty aqparat berip, oqý sheberhanalaryn kórsetti.
Qazaqstanǵa oralǵan soń, alǵan bilimimdi áriptesterimmen bólisip, eksperımentaldy top retinde EM-315 aldym. Bilim alýshylarǵa jańa tehnologıalar men ádisterdi úıretip, kásibı daǵdylaryn jetildirýge atsalystym. Bilim alýshylardyń yntasyn arttyrý maqsatynda túrli jarystar men baıqaýlar uıymdastyryp, olardyń básekege qabiletti maman retinde qalyptasýyna úles qostym. Osy eńbektiń nátıjesinde, 2025 jyly Germanıaǵa tájirıbe almasýǵa attanǵan 20 bilim alýshynyń 12-si meniń eksperımentaldy tobymnan boldy. Bul – ortaq eńbegimizdiń jemisi. Qazirgi ýaqytta shákirtterimmen únemi baılanystamyn, Zoom arqyly kezdesip, tájirıbelerimen bólisemiz. Olardyń kózderindegi jalyn men jańa tehnologıalardy úırenýge degen qushtarlyǵy men úshin eń úlken shabyt.
Bul jetistik 2025 jyl – Jumysshy mamandyq jyly aıasynda tehnıkalyq jáne kásiptik bilim berý salasyndaǵy mańyzdy qadamdardyń biri boldy. Óndiristik tájirıbeni halyqaralyq deńgeıde shyńdaý – elimizdiń bilikti jumysshy kadrlaryn daıarlaýdaǵy basty basymdyqtarynyń biri. Osyndaı múmkindikke jol ashqan kolej basshylyǵyna, ata-analarǵa alǵys bildiremin. Men óz shákirtterimniń bilikti maman, óz isiniń sheberi, suranysqa ıe kásip ıesi bolyp qalyptasýyna bar kúshimdi salamyn.
Biz búgin bilim men tájirıbe arqyly bolashaqtyń irgetasyn qalaýdamyz!
Jumamuratova A., pedagog-sarapshy, arnaıy pánder oqytýshysy