2025 jyldyń 12 naýryzynda «Jumysshy mamandyqtar jyly» aıasynda kásiptik baǵdar berýshilerge arnalǵan mańyzdy semınar ótti. Bul is-shara bilim berý júıesi úshin mańyzdy kezeń bolyp tabylady, sebebi jastardyń kásibı damýyna baǵyttalǵan jańa múmkindikterdi usyný aktýaldy bolyp otyr.
Semınardy «Almaty jolaýshylar kóligi jáne tehnologıalar koleji», «№1 Almaty qazaq gýmanıtarlyq-pedagogıkalyq koleji» jáne «Almaty telekomýnıkasıa jáne mashına jasaý koleji» birlesip uıymdastyrdy. İs-sharanyń basty maqsaty aýdan mektepteriniń kásiptik baǵdar berýshilerine «Jumysshy mamandyqtar jyly» týraly tolyq aqparat berý jáne kolejderdiń bilim berý baǵdarlamalarymen, oqý-óndiristik bazasymen já conosco áleýmettik seriktesterimen tanystyrý boldy.
Semınar baǵdarlamasy qyzyqty jáne paıdaly baıandamalarmen toltyryldy:
- Kúntýbaı Araılym Abzalqyzy - «Almaty qalasynyń tehnıkalyq jáne kásiptik bilim berý júıesi» taqyrybynda baıandama jasady.
- Ongarova Baıan Kenesovna - «Jańa múmkindikter álemindegi kásibı baǵdar berýshiniń róli» taqyrybynda sóz sóıledi.
- Makeeva Akbota Shopanovna – «Almaty telekomýnıkasıa jáne mashına jasaý kolejinde proforıentasıalyq jumystar» taqyrybyn qarastyrdy.
- Nýrahan Dınara Ergalıevna men Pıvovarova Svetlana Vladımırovna - «Kolej: jetistikter, múmkindikter jáne mamandyqtar» taqyrybynda baıandama jasap, kolejdiń áleýeti men stýdentter úshin usynatyn múmkindikterin atap ótti.
- Pıvovarova Svetlana Vladımırovna «Trıhologıa v parıkmaherskom ıskýsstve» taqyrybynda master-klass ótkizdi, bul qatysýshylarǵa kásiptik daǵdylardy jetildirýge múmkindik berdi.
Semınar barysynda qatysýshylar kolejdiń oqý-óndiristik sheberhanalaryna ekskýrsıa jasap, oqý prosesi men jabdyqtarymen tanysý múmkindigine ıe boldy. Sondaı-aq, ashyq dıalog barysynda kásiptik baǵdar berýshilerdiń suraqtaryna jaýaptar berildi.
Bul semınar jastardyń bolashaq mamandyǵyn durys tańdaýǵa jáne olardyń kásibı damýyna jol asha otyryp, elimizdiń bilim berý júıesine mańyzdy úles qosady. Kásibı baǵdar berýshilerge baǵyttalǵan is-sharalar arqyly Almaty qalasy tehnıkalyq jáne kásiptik bilim berý salasyndaǵy jetistikterdi nasıhattaı otyryp, jastardyń jumysshy mamandyqtary týraly aqparattanýyn arttyrýdy kózdeıdi.
«Jumysshy mamandyqtar jyly» aıasynda mundaı semınarlar uıymdastyrý – elimizdiń bilim berý júıesiniń damýyna jáne jastardyń kásibı daıyndyǵyna úles qosatyn mańyzdy sharalardyń biri. Kásibı baǵdar berý arqyly jastardyń ózderiniń maqsattaryn anyqtaýyna jáne bolashaqqa senimdi qadam jasaýyna kómektesedi.
Kásibı baǵdar – bolashaqqa bastar jol!