Ózbekstannyń premer-mınıstri qyzmettik kóligin aýystyrdy
Ózbekstan premer-mınıstri Abdýlla Arıpov óz qyzmetinde paıdalanǵan sheteldik Mercedes-Benz markaly kóligin otandyq "Malibu" temir tulparyna aýystyrdy. Bul týraly aqshamnews.kz habarlaıdy UZA aqparat agenttigine silteme jasap.
Premer-mınıstrdiń aıtýynsha, el prezıdenti Shavkat Mırzıóevtiń tapsyrmasyna sáıkes, barlyq laýazymdy tulǵalar sheteldik markadaǵy kólikterden bas tartýǵa mindettelgen. Árıne, bul proses 20 naýryzdan nemese 1 sáýirden bastalýy josparlanǵanymen, tapsyrma ýaqytynan buryn oryndalýy tıis bolǵandyqtan, jumystar erte bastaldy. Arıpov bul ózgeristiń jedel ári tıimdi túrde júzege asyrylýy qajet ekenin atap ótti.
Ózbekstanda barlyq mınıstrlikter men vedomstvolar otandyq kólikterdi paıdalaný rejımine kóshken. Mysaly, premer-mınıstrdiń orynbasarlary "Malibu" markaly kólikterge otyratyn bolsa, oblys hokımderi "Tahoe" jáne "Traverse" jol talǵamaıtyn kólikterin qoldanýda. Sheneýnikterge jańadan satyp alynǵan emes, burynnan qoldanylyp kelgen kólikter beriledi.
Sonymen qatar, burynǵy sheteldik kólikter aýksıon arqyly satylymǵa shyǵarylady.
Ózbekstan prezıdenti Shavkat Mırzıóev osyǵan deıin sybaılas jemqorlyqqa qarsy kúres jónindegi ulttyq keńeste sóılegen sózinde sheteldik qyzmettik kólikterdi qysqartýdy jáne otandyq kólik óndirisin qoldaýdy tapsyrǵan bolatyn.