Mega Towers turǵyn úı keshenindegi lıft 25-qabatqa soǵyldy.
Almatyda Mega Towers turǵyn úı keshenindegi lıft 25-qabatqa deıin bar jyldamdyqpen kóterilip, úıdiń tóbesine soǵyldy. Saldarynan jas jigit zardap shekti, dep habarlaıdy Almaty-akshamy.kz.
Oqıǵanyń vıdeosy áleýmettik jelilerde tarady. Belgili bolǵandaı, oqys oqıǵa 29 maýsym kúni oryn alǵan.
«Mega Towers turǵyn úı keshenindegi lıft 25-qabatqa soǵyldy. Otbasymyzben osy turǵyn úı kesheninde 4-qabattan lıftpen tústik. 1-qabatqa túskende menen basqasynyń bári shyqty. Esikter jabylmastan, lıft jyldam joǵary kóterile bastady. Joǵaryda bireý shaqyryp, esikti jappaǵan shyǵar dep oıladym. Ol 7-qabatqa kóterilip, odan ári 25-qabatqa deıin jyldamdyǵy arta tústi»,-dep jazdy vıdeo avtory.
Almaty qalasynyń Komýnaldyq ınfraqurylymdy damytý basqarmasy men lıft jabdyqtaryn basqarý bóliminiń mamandary atalǵan mekenjaıǵa baryp, lıftke vızýaldy tekserý júrgizgen.
«Oqıǵanyń sebepteri naqtylanyp jatyr. Onyń nátıjeleri boıynsha tıisti sharalar qabyldanatyn bolady», - dep habarlady ákimdiktegiler.
Posmotret etý pýblıkasıý v Instagram