Onyń kóterilýine esh sebep joq.
Bul týraly jumyrtqa óńdirýshiler qaýymdastyǵynyń ókilderi habarlady. Bıyl baǵany turaqtandyrý úshin naýryz aıynda mınıstrlik, qus shaýrýashylyǵy uıymdary men saýda jelileri arasynda birlesken memorandým jasaldy. Qus fabrıkalarynyń jem-azyq qoryn saqtap qoıýǵa yqpal etti, dep habarlaıdy Almaty-akshamy.kz.
Memleketten bólingen sýbsıdıa qus ósirýshilerge egistik naýqanyna deıin qus basyn saqtaýǵa múmkindik berdi. Qus jumyrtqasynyń qaıta engizilgen sýbsıdıa áleýmettik mańyzy bar azyq-túlik taýarlaryna kiretin jumyrtqanyń baǵasyn kelesi jylǵa deıin turaqty ustaýǵa múmkindik beredi.
«Qýattylyǵy jylyna 5 mln dana jumyrtqa óndiretin qus fabrıkalary óndirilgen jumyrtqaǵa bir jumyrtqanyń qunyna 3 teńgeden memlekettik qoldaý sýbsıdıa alyp otyr. Oǵan respýblıkalyq búdjetten 6,5 mlrd teńge qarajat qarastyryldy. Qazirgi tańda osy qarajattyń 90 paıyzy ıgerilip, qus fabrıkalary memleket tarapynan sýbsıdıa alyp otyr», - deıdi QR Aýylsharýashylyǵy mınıstrligi departamenti dırektorynyń mindetin atqarýshy Erjan Ilásov.
«Baǵanyń ósýine esh sebepter joq. Qazirgi ónim halyqtyń suranysyn óteıdi. 9 aıda 2 mıllıard 790 mıllıon dana jumyrtqa óndirildi. Bul ótken jylmen salystyrǵanda 7,8 paıyzǵa kóp. Sondyqtan qazir baǵanyń odan ári ósýine eshqandaı sebep joq», - Jumyrtqa óndirýshiler qaýymdastyǵynyń prezıdenti Maksım Bojko.