Qazaqstan aýmaǵynda ǵana paıdalanýǵa bolady.
Qazaqstanda pasport da sıfrlyq formatqa aýystyrylady. Bul týraly QR Sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsın telegram kanalda jazdy, dep habarlaıdy Almaty-akshamy.kz.
«Sıfrlyq qujattar» - eGov Mobile qosymshasyndaǵy tanymal servısterdiń biri. Búgingi tańda qajetti qujatyńyzdyń túpnusqasy bolmaǵan kezde smartfon arqyly sandyq qujatty paıdalaný óte yńǵaıly. Sıfrlyq kýálikti qoldaný tıimdiligin kórsetken soń, biz pasportty da sıfrlyq formatqa aýdarýdy sheshtik. Endi sıfrlyq pasport eGov Mobile mobıldi qosymshasynda qol jetimdi.Ázirge sıfrlyq pasportty jeke basyn sáıkestendirý úshin Qazaqstan aýmaǵynda ǵana paıdalanýǵa bolady. Mundaı qajettilik, mysaly, kýáliktiń joǵalýy nemese onyń jaramdylyq merzimi aıaqtalǵan jaǵdaıda týyndaýy múmkin», - dedi mınıstr.
Aıta ketsek, búgingi kúni pasporttan basqa eń kóp suranysqa ıe 18 qujat sıfrlyq formatqa kóshirildi – bul jeke kýálik, júrgizýshi kýáligi, PTR-testter, týý jáne neke týraly kýálik jáne taǵy basqa qujattar.