Onyń ishinde et jáne qus eti (14,6%), shujyq (21,3%), basqa da et ónimderi (15,7%) qymbattaǵan.
Qazaqstanda jyl basynan qazan aıyna deıin et jáne et ónimderiniń baǵasy birden 15,9%-ke ósti, dep habarlaıdy Almaty-akshamy.kz Ranking.kz-ke silteme jasap.
Bir jyldaǵy et baǵasynyń ósimi:
sıyr eti – 9,3%;
jylqy eti – 16,3%;
shoshqa eti – 13,4%;
qoı eti – 12,5%;
qus eti — 28,6%.
Bir jyldaǵy shujyq baǵasynyń ósimi:
qaınatylǵan - 22,2%;
jartylaı ystalǵan – 21,2%.
Óńirlik bóliniste et jáne et ónimderi baǵasynyń eń kóp ósimi Mańǵystaý oblysynda tirkeldi: jylyna 22,6%. Odan keıin Pavlodar (+ 20%) jáne Aqtóbe (+ 19,5%) oblystary tur. Bul aımaqtarda ótken aıda sıyr etiniń bir kelisin orta eseppen 2,4 myń teńgeden, qoı etin – 2,7 myń, shoshqa etin – 2 myń, jylqy etin – 3 myń, taýyq etin – 1, 4 myń, taýyqtyń san etin – 1,2 myń, qaınatylǵan shujyqty – 2,6 myń, jartylaı ystalǵan shujyqty – 3,1 myń, sıyr baýyryn –1,2 myń teńgeden satyp alýǵa bolatyn.
Sonymen birge 2022 jyldyń qańtar-qyrkúıek aılary aralyǵynda et sharýashylyǵynda tirideı salmaqta 1,5 mıllıon tonna (bir jylda + 0,7%) jáne soıys salmaǵynda 847 myń tonna (+ 0,3%) mal men qus soıyldy nemese soıýǵa satyldy. Sondaı-aq sıyr sútiniń óndirisi – 1,8%-ke, taýyq jumyrtqasy – 5,3%-ke, iri mal terisi – 1,6%-ke ósken.
Degenmen, statısıkalyq málimetter boıynsha, aýyl sharýashylyǵy janýarlaryna arnalǵan jem óndirisi 11,8%-ke tómendegen. Óndiristiń basym bóligi Almaty oblysyna tıesili: 347,3 myń tonna jem, bir jylda 3% ósim. Úzdik úshtikke Aqmola (223,8 myń tonna, - 0,5%) jáne Soltústik Qazaqstan (161,1 myń tonna, + 18,4%) oblystary da kirdi.
Osy jyldyń 1 qazanyna deıin elimizde iri qara mal basy 9 mıllıon basqa jetti. Bul ótken jylmen salystyrǵanda 4,7%-ke artyq. Onyń ishinde sıyr 4,6 mıllıon basty qurady. Jylqy sany 11,7%-ke ósip, 3,8 mıllıon basty, túıe – 8,6%-ke ósip, 265,3 myń basty, qoı – 4,2%-ke ósip, 21 mıllıon basty, qus – 0,6%-ke ósip, 50 mıllıon basty qurady. Bul rette eshki (0,8%-ke azaıyp, 2,5 mln bas) jáne shoshqa (11,6%-ke azaıyp, 849,3 myń bas) sany azaıdy.