25 qarashada qolaısyz aýa raıyna baılanysty elimizdiń jeti oblysynda eskertý jarıalandy, dep habarlaıdy Almaty-akshamy.kz "Qazgıdromet" RMK-ǵa silteme jasaı otyryp.
Sınoptıkter túnde jáne tańerteń Túrkistan oblysynyń soltústiginde, taýly aımaqtarynda tuman bolatynyn boljaıdy. Óńirdiń soltústiginde, taýly aýdandarynda ońtústik batystan soqqan jeldiń ekpini 15-20 m/s quraıdy.
Batys Qazaqstan oblysynyń soltústiginde, ortalyǵynda, ońtústik shyǵysynda tuman bolady dep kútiledi. Oral qalasynda túnde jáne tańerteń tuman túsedi.
Qaraǵandy oblysynyń soltústiginde qar jaýady. Oblystyń soltústiginde, shyǵysynda, ortalyǵynda boran soǵyp, kóktaıǵaq bolady. Kúndiz oblystyń ortalyǵynda, soltústiginde, shyǵysynda ońtústikten batysqa oıysa soqqan jeldiń ekpini 15-20 m/s quraıdy. Qaraǵandyda kóktaıǵaq bolady.
Ulytaý oblysynyń soltústiginde kóktaıǵaq bolady. Oblystyń ortalyǵynda, soltústiginde batystan, soltústik batystan soqqan jeldiń ekpini 15-20 m/s quraıdy. Jezqazǵanda batystan, soltústik batystan soqqan jeldiń ekpini - 18 m/s.
Kúndiz Shyǵys Qazaqstan oblysynyń basym bóliginde qar jaýady, oblystyń soltústik shyǵysyn qalyń qar basady. Kúndiz oblystyń soltústiginde, shyǵysynda boran soǵady. Oblystyń soltústiginde, shyǵysynda ońtústik shyǵystan soqqan jeldiń 15-20 m/s, keı tusta 25 m/s jetedi. Óskemende kúndiz boran soǵady. Kúndiz ońtústik shyǵystan soqqan jeldiń ekpini - 15-20 m/s.
Túnde Soltústik Qazaqstan oblysynyń basym bóliginde qar jaýady, oblystyń ońtústigin qalyń qar basady. Oblystyń soltústiginde, batysynda, ońtústiginde qar ushqyndap, boran bolady. Oblystyń soltústiginde, batysynda, ońtústiginde soltústik shyǵystan soqqan jeldiń ekpini 15-20 m/s quraıdy.
Qyzylorda oblysynyń ortalyǵynda tuman túsedi. Qyzylorda qalasynda azdap tuman bolady.