Qazaqstan Respýblıkasynyń Prezıdenti bolyp qaıta saılanýyna baılanysty búgin Qasym-Jomart Toqaevtyń atyna Fransıa Prezıdenti Emmanúel Makron quttyqtaý jedelhatyn joldady, dep habarlaıdy Almaty-akshamy.kz Aqordanyń resmı saıtyna silteme jasap.
Fransıa Prezıdenti Emmanúel Makron Qasym-Jomart Toqaevqa joǵary laýazymdy qyzmette tabys tiledi.
– Qazaqstan 2019 jyldan beri saıası jáne ekonomıkalyq jańǵyrtý úderisin sátti júzege asyryp keledi. Muny biz zor qyzyǵýshylyqpen baqylap otyrmyz. Sizdiń qaıta saılanýyńyz osy mańyzdy istiń qarqynyn saqtaýǵa jáne Qazaqstan halqynyń múddesi úshin ózińiz jarıalaǵan reformalardy júzege asyrýǵa múmkindik beretinine senimdimin. Ortalyq Azıadaǵy óńirlik yntymaqtastyqty nyǵaıtýǵa eleýli úles qosyp júrgenińizden habardarmyn. Osy jolda Sizdi tolyqqandy qoldaımyn, – dep jazdy Emmanúel Makron.