Eki baǵytta da kólik qozǵalysy jabylady.
Almaty qalasy Jetisý aýdanynda 2024 jyldyń 5 shildedegi saǵat 20:00-den 8 shildedegi saǵat 23:00-ge deıin Aınabulaq shaǵyn aýdanynda Jumabaev pen Maqataev kósheleriniń qıylysyn qamtıtyn aýmaqta kólik qozǵalysy jabylady, dep habarlaıdy almaty-akshamy.kz.
Maqataev kóshesindegi jol bóliginiń astynan ótetin, 1981 jyldan beri paıdalanýǵa berilgen 2135 metrlik qubyrdy jańǵyrtý ýchaskesinde josparly jumystardy júrgizý qaýipsizdigin qamtamasyz etý úshin ýaqytsha shekteýler engizildi.
Bul qubyr 344 kóppáterli turǵyn úıdi, 11 bilim berý nysanyn, 3 densaýlyq saqtaý nysanyn jáne 483 basqa nysandy jylýmen jáne ystyq sýmen qamtamasyz etedi. Jańǵyrtý jumystary kezeńinde atalǵan tutynýshylar ystyq sýmen burynǵysynsha úzdiksiz qamtamasyz ete beriletin bolady.
Esterińizge sala keteıik, qozǵalysty shekteýge qatysty barlyq aqparatAlmaty.kz saıtynda, Telegram @AlmatyJoly arnasynda, aýdan ákimdikteri men basqarmalarynyń áleýmettik jelilerinde, sondaı-aq «2GIS» jáne «Iandeks kartalary» servısterinde ornalastyrylǵan.
Ýaqytsha qolaısyzdyqtarǵa túsinistikpen qaraýlaryńyzdy jáne bul aýmaqty aınalyp ótý joldaryn aldyn ala qarastyrýlaryńyzdy suraımyz.
«Almaty jylý júıesi» JSHS