Memlekettik rámizder kúni qarsańynda kók Týymyz ben Eltańbamyzdyń avtorlary ulyqtaldy, dep habarlaıdy Almaty-akshamy.kz
Sháken Nıazbekovtiń týǵanyna 85 jyl tolýyna oraı búgin Lev Gýmılev atyndaǵy Eýrazıa ulttyq ýnıversıtetiniń qabyrǵasynda respýblıkalyq ǵylymı-tájirıbelik konferensıa ótti. Sharaǵa Memlekettik Eltańba avtory Jandarbek Málibekov te qatysty. Kórnekti sáýletshi ári profesor Eltańba ishindegi keskinder men bólshekterdiń neni bildiretinin túsindirdi. Ýnıversıtet janyndaǵy zamanaýı zertteýler ınstıtýtynyń dırektory geraldıst Muhıt-Ardager Sydyqnazarov ta kelýshilerge óz salasyna qatysty tyń málimetter berdi. Konferensıaǵa qoǵam qaıratkerleri, ǵylymı ıntellegensıa jáne shyǵarmashylyq zıaly qaýym ókilderi keldi,-dep jazdy «Habar 24».
- Qola dáýirindegi Botaı zamany. Alǵash ret jylqyny qolǵa úıretken qazaq. Sondyqtan solardy bildirsin dep bizdiń Eltańbada turǵan attar, tulparlar sodan kelip shyǵyp jatyr. Sondyqtan gerbtiń ishindegi barlyǵy – bizdiń mádenıetimiz ben dástúrimizden týyndaǵan elementter. Mysaly, ishinde qoshqar múıiz tur. Ol beker turǵan joq. Shańyraǵyń bıik, keregeń keń, bosaǵań berik bolsyn! - dedi Qazaqstan Respýblıkasy Memlekettik Eltańbasynyń avtory Jandarbek Málibekov