Tutqyndaý operasıasy Parıjde 7 qazan kúni ótkizilgen.
Parıj polısıasy Notr-Dam shirkeýi ǵımaratyn ushaqpen soqpaq boldy degen kúdikpen burynǵy azamattyq avıasıa ushqyshyn tutqyndady, dep habarlaıdy Almaty-akshamy.kz QazAqparat-qa silteme jasap.
Bul týraly senbi kúni keshkisin CNews telearnasy polısıadan alǵan derekterge silteme jasap habarlady.
Tutqyndaý operasıasy Parıjde 7 qazan kúni ótkizilgen. Air Liberty, Air Tahiti jáne Royal Fly áýe kompanıalarynyń burynǵy ushqyshynyń týystary polısıaǵa habar bergen. 50 jastaǵy er adam kúızeliske ushyrap, «taıaý ýaqytta ushaqpen Notr-Damǵa buzyp kiretinin» ózi habarlaǵan.
Eldiń ońtústik-batysynda, Andaı qalasynda Ispanıamen shekaraǵa jaqyn mańda turyp kelgen onyń Cessna jeńil týrısik ushaǵy bolǵan. Polısıaǵa habar bergen týysy burynǵy ushqyshtyń psıhıkalyq jaǵdaıy aýyr ekenin aıtqan. Andaı qalasynyń polısıasy bul derekti shuǵyl túrde Parıjge jibergen. Burynǵy ushqysh Fransıa astanasynan uıaly telefonyndaǵy geolokasıanyń arqasynda tabylǵan. Ol ishimdik iship, Notr-Damdaǵy órtten keıin onyń fýnksıasyn atqaryp jatqan San-Súlpıs soboryna jaqyn jerde júrgen.
Le Figaro gazetiniń málimetinshe, Parıj polısıasy taıaý ýaqytta ustalýshymen psıhıatrıalyq saraptama júrgizedi.