Poıyz 24 mınýt kidirdi
Jyl basynan beri kólik polıseıleri temirjoldarda qaýipsizdik erejelerin buzǵany úshin 6813 quqyq buzýshyny ákimshilik jaýapkershilikke tartty, dep habarlaıdy Almaty-akshamy.kz.
Sondaı-aq poıyzdardyń shuǵyl tejelýiniń 288 faktisi tirkeldi, onyń ishinde adamdardyń bolýy sebebinen – 62, úı janýarlarynyń temirjol tóseminde bolýymen baılanysty 182 jaıt tirkelgen.
Kóliktegi PD ákimshilik polısıa basqarmasynyń bastyǵy Dáýlet Moldahanovtyń aıtýynsha, 25 naýryzda Qostanaı stansıasyndaǵy jelilik polısıa bólimine Temirbulaq – Qostanaı Ońtústik aralyǵynda júk poıyzynyń mashınısi temirjolda jylqylar bolǵandyqtan, shuǵyl tejeý qoldanǵany týraly habarlama kelip tústi. Soqtyǵysýdyń aldyn alý múmkin bolmaı, úsh jylqyny qaǵyp ketti.
Josparlanbaǵan poıyz turaǵy 24 mınýtty qurady.
«Jedel izdestirý is-sharalary barysynda jylqylardyń ıesi anyqtaldy. Ol Qostanaı oblysynyń 40 jastaǵy turǵyny bolyp shyqty. QR ÁQBtK-niń 559-baby 1-bóligi boıynsha ákimshilik hattama toltyrylyp, 5 aılyq eseptik kórsetkish mólsherinde aıyppul salyndy. Aıta ketý kerek, júrgizilip jatqan profılaktıkalyq is-sharalardyń nátıjesinde aǵymdaǵy jyldyń birinshi toqsanynda poıyzdardyń shuǵyl tejelýiniń sany ótken jyldyń uqsas kezeńimen salystyrǵanda 34%-ǵa tómendedi», – dedi D.Moldahanov.