Kórme Otanǵa degen súıispenshilikti oıatady
Almatydaǵy Ortalyq mýzeıde 30 naýryz, saǵat 15.00-de «Shyǵarmashylyq alań» atty balalardyń sýret kórmesi ashylady, dep habarlaıdy Almaty-akshamy.kz.
Qazaqstan Respýblıkasy Memlekettik ortalyq mýzeıiniń mádenı-bilim berý qyzmetiniń mańyzdy baǵyttarynyń biri balalar shyǵarmashylyǵyn qoldaý jáne dáripteý bolyp tabylady.
Kórmege Almaty qalasynyń 100-den astam balalar shyǵarmashylyǵyn damytý jáne beıneleý óner ortalyqtarynyń oqýshylary qatysyp, beıneleý jáne sándik-qoldanbaly óner janrdaǵy ártúrli jumystaryn usynady.
Balalardyń kórmege qatysýy olarǵa elimizdiń tarıhy, óneri men mádenıetimen tanysýǵa, týǵan jeriniń ulttyq qundylyqtary, dástúrleri men sulýlyǵy týraly túsinikterin keńeıtýge múmkindik beredi, bul Otanǵa, óz halqyna degen súıispenshilikti oıatady. Sondyqtan jas sýretshiler óz jumystarynda qorshaǵan álemge, eldiń ótkeni, búgini jáne bolashaǵy týraly óz kózqarastaryn bildirýge tyrysty. Balalar Qazaqstannyń tarıhy, mádenıeti, tabıǵatymen baılanysty túrli aspektiler men sújetterdi beıneleıdi. Bul kórkem peızajdar, adamdardyń portretteri jáne natúrmorttar, qalanyń kósheleri men kórikti jerleri, táýelsiz memleketimizdiń rámizderi.
Jas sýretshilerdiń ıdeıalary men shyǵarmashylyq nıetterin kórsetetin kórkemóner mektepteri men beıneleý stýdıalary oqýshylarynyń avtorlyq jumystary ónerdiń ártúrli tehnıkalary men janrlarynda oryndaǵan.
Kórmege ártúrli jastaǵy (5 jastan 17 jasqa deıin) oqýshylar men ár túrli kórkemóner mektepteri, balalardyń shyǵarmashylyq ortalyqtary men beıneleý stýdıalary pedagogtarynyń jumystary qoıylady. Balalardyń jumystary óte kórkem, ashyq, ereksheligi men ár alýan bolǵandyǵy sondaı, qorshaǵan álemge degen qýanyshty kózqarastary men qıaldary, oılary tań qaldyrady.
«Shyǵarmashylyq alań» atty kórmesinde balalardyń 100-den astam týyndylar qoıylady.
Kórme 2023 jyldyń 12 sáýirine deıin jalǵasady.