Elde koronavırýs juqtyrý jaǵdaılarynyń ósimi kúrt kóbeıgen
Epıdemıologtar muny COVID-19-dyń onynshy tolqyny dep sanaıdy, dep habarlaıdy Almaty-akshamy.kz inbusiness.kz-ke silteme jasap.
BFM TV telearnasynyń málimetinshe, ótken aptada indetti juqtyrýdyń jalpy deńgeıi 26%-ǵa ósti, al jedel járdem bólimshelerine túskender 20%-ǵa ósse, reanımasıaǵa jiberý bir apta burynǵyǵa qaraǵanda 15%-ǵa jıiledi, dep habarlaıdy inbusiness.kz Interfaksqa silteme jasaı otyryp.
Jenevadaǵy jahandyq densaýlyq ınstıtýtynyń dırektory Antýan Flao óz kezeginde telearnaǵa koronavırýstyń taralýy Fransıaǵa ǵana emes, jalpy Eýropa elderine de áser etkenin aıtty.
Vırýstyń kóbeıý koefısıenti 1,2 quraıdy. R reprodýksıa ındeksi - bir naýqastan ınfeksıa juqtyrtýy múmkin adamdardyń sanyn anyqtaıtyn kórsetkish.
Fransıadaǵy COVID-19 jaǵdaıynyń kúrt nasharlaýy zeınetaqy reformasyna baılanysty halyqtyń narazylyqtary aıasynda tirkelip otyr. Osylaısha, juma, 17 naýryzǵa qaraǵan túni Parıjde jáne Fransıanyń birqatar basqa qalalarynda tártipsizdikterge ulasqan zeınetaqy reformasyna qarsy jappaı narazylyqtar boldy.
Worldometer statısıkalyq saıtynyń málimetteri boıynsha, Fransıada koronavırýstyń taralýy kezinde 39,7 mıllıonnan astam ınfeksıa tirkeldi. 165 myńnan astam adam qaıtys boldy. Saıttyń málimetinshe, qazirgi ýaqytta Fransıada 119,6 myń turǵyn aýyryp jatyr.