Prezıdent Qasym-Jomart Toqaev kezdesý barysynda Baqytjan Ertaevtyń óskeleń urpaqqa áskerı-patrıottyq tárbıe berý máseleleri jónindegi oı-pikirin tyńdady, dep habarlaıdy almaty-akshamy.kz
Memleket basshysy jýyrda Túrkistanda ótken Ulttyq quryltaıda Ádiletti Qazaqstannyń negizin qalaıtyn Adal azamat týraly oılaryn ortaǵa salǵanyn atap ótti. Budan bólek, syn saǵatta basyn qaterge tigip, janqıarlyqpen erlik tanytqan, Otanyna adal qyzmet etken tulǵalardy jastarǵa úlgi etý jáne qarapaıym eńbek adamyn dáripteý mańyzdy ekenine nazar aýdardy.
General-leıtenant Baqytjan Ertaev ózi basshylyq etetin «Tayelsiz Qazaqstannyn Halyq Batyrlary» qoǵamdyq birlestiginiń atqaryp jatqan jumystary jóninde baıandady. Sondaı-aq áskerdegi tárbıe isin nyǵaıtý jóninde usynystaryn jetkizdi.
Prezıdent uıymnyń bastamalaryna memleket tarapynan qoldaý kórsetiletinin aıtty. Sonymen qatar Baqytjan Ertaevtyń táýelsiz Qazaqstannyń Qarýly Kúshterin qurýǵa eleýli eńbek sińirgenin atap ótip, onyń el ıgiligi úshin atqaryp jatqan qoǵamdyq jumystaryna tabys tiledi.