Bul týraly Almaty ákiminiń Áýezov aýdany turǵyndarymen kezdesýinde belgili boldy.
Kezdesýde aýdan turǵyndarynyń biri avtoturaq máselesin kóterip, qala ákimine suraq qoıdy, dep habarlaıdy Almaty-akshamy.kz.
Curaq:
- Aýdandarda kólikterdiń avtoturaq máselesi úlken máselege aınaldy. Kósheler lyq toly, júretin jol keptelip, tipti keı bólikterinen ótý múmkin emes. Saldarynan qajet bolǵan kezde ne órt sóndirýshiler, ne "jedel járdem" óte almaıdy. Kóp qabatty avtoturaq salý máselesi týyndap turǵan sıaqty.
Saýalǵa qala ákimi jaýap berdi.
«Jyl sońyna deıin Almaty qalasy boıynsha kóp qabatty avtoturaqtardy salý boıynsha baǵdarlamany tanystyrý josparda bar. Bul aýlalardy ishinara bosatýǵa múmkindik beredi. 2023 jyly jeke ınvestorlarmen jumysty bastaımyz», - dep jaýap berdi qala ákimi Erbolat Dosaev.