Qazaqstandaǵy konstıtýsıalyq reforma memleketti halyqqa jaqyndatyp, memlekettik ınstıtýttardyń jumys tıimdiligin arttyrady.
Bul týraly Konstıtýsıalyq reforma jónindegi komısıanyń úshinshi otyrysynda depýtat Asqat Rahımjanov málimdedi, - dep habarlaıdy Aqshamnews.kz.
Onyń aıtýynsha, usynylyp otyrǵan ózgerister mátindi ǵana jańǵyrtýmen shektelmeıdi. Áńgime bılik ashyq ári qoǵam aldynda esep beretin, al ınstıtýttar jedel ári ádiletti jumys isteıtin jańa memlekettik arhıtektýra týraly bolyp otyr. Erekshe nazar jańa parlamenttik modelge kóshýge, bir palataly ókildi organ qalyptastyrýǵa jáne keri baılanystyń ornyqty tetikterin qurýǵa aýdarylýda.
«Usynylyp otyrǵan ózgerister – tek mátindi ózgertý emes. Bul – qoǵamnyń naqty suranystaryna berilgen jaýap», – dep atap ótti Asqat Rahımjanov.
Asqat Rahımjanovtyń aıtýynsha, júrgizilip jatqan ózgerister álemdik demokratıalyq úderisterge saı keledi jáne halyqaralyq sosıal-demokratıalyq qaýymdastyqtyń qoldaýyna ıe. Bul, onyń sózinshe, Qazaqstandaǵy reformalardyń jahandyq demokratıalyq transformasıanyń bir bóligi retinde qabyldanyp otyrǵanyn kórsetedi.
Óz sózinde ol sondaı-aq Qazaqstan Respýblıkasyndaǵy Konstıtýsıalyq reformany qoldaýǵa arnalǵan Sosıalısik ınternasıonaldyń qararynyń negizgi erejelerin oqyp berdi.