Almatyda «Jemqorlyqqa qarsy eríktíler» jobasy ayasynda 2,5 mlrd teńgedeı byudjet qarajaty únemdeldí. Qoǵamdyq baqylau men sybaılas jemqorlyqtyń aldyn alu jūmysyna 300-den astam adam tartyldy. Óńírlík kommunıkatsıyalar qyzmetínde ótken brıfıngte «Ádílet jastar odaǵy» jastar antıkorruptsıyalyq qozǵalysynyń jetekshísí Erbolat Tūrlan osylaı dedí.
Joba 2025 jyly Almaty qalasynyń Jastar sayasaty basqarmasynyń qoldauymen júzege asyryldy. Onyń negízgí maqsaty – jemqorlyqqa qarsy mádenıettí qalyptastyru, jastardyń qūqyqtyq jáne qarjylyq sauattylyǵyn arttyryp, azamattyq belsendílíktí damytu.
«Bízdíń míndetímíz – jastardy aqparattyq-túsíndíru jūmysyna ǵana emes, qoǵamdyq baqylaudyń tetíkteríne de tartu boldy», – dedí Erbolat Tūrlan.
Jyl boıy jobaǵa qalanyń barlyq audanyn qamtyǵan 300-den astam eríktí qatysty. Almaty tūrǵyndary úshín eríktílerdíń, kásíbı zańgerler men qūqyq qorǵau organdary ókílderí qatysqan 20-dan astam kóshpelí keńes óttí.
Qoǵamdyq baqylauǵa erekshe nazar audaryldy. Eríktíler jol jóndeu jūmysynyń sapasyn, balalar men sport alańdarynyń jaǵdaıyn, sayabaqtar men qoǵamdyq keńístíkterdíń tazalyǵyn, sondaı-aq memlekettík satyp aludyń jekelegen rásímderí men kólík ınfraqūrylymy nysandaryn tekserdí. On baqylaudyń qorytyndysy boıynsha anyqtalǵan faktílermen materıaldar Almaty qalasy boıynsha Sybaılas jemqorlyqqa qarsy ís-qımyl agenttígíníń departamentíne joldandy.
Sonymen qatar qūqyq qorǵau organdarymen bírlesíp Almaty–1 – Otar temírjol baǵyty boıynsha baqylau júrgízíldí. Mektepter men kolledjderde kezdesuler ūıymdastyrylyp, jastarǵa adaldyq, jauapkershílík qaǵıdattary jáne «Zań jáne tártíp» ıdeologemasy túsíndíríldí.
Spıkerdíń aıtuynsha, qoǵamdyq baqylau áleumettík, ekonomıkalyq tıímdílígín dáleldedí. Qol jetken nátıjení eskere otyryp, bastama «Ádílet jastar odaǵy» jastar qozǵalysyna transformatsıyalanyp, jūmysyn júıelí árí ūzaq merzímdí negízde jalǵastyryp keledí.
Búgínde qozǵalys jemqorlyqqa qarsymádenıettí qalyptastyru, tsıfrlyq jáne qarjylyq sauattylyqty arttyru, sondaı-aq kıbervolonterlík baǵyttaryn damytyp otyr. Būl baǵytta 3 myńnan astam adam jūmyldyrylǵan. Olardyń qatysuymen zańsyz kontentí bar 737 ınternet-resurs anyqtalyp, būǵattaldy.
Qazaqstanda 2026 jyl Tsıfrlandyru jáne jasandy ıntellektíní damytu jyly bolyp jarıyalanuyna baılanysty, qozǵalys aldaǵy uaqytta kıberalayaqtyqtyń aldyn alu jūmystaryn kúsheıtudí josparlap otyr. Kezdesuler tek oqu oryndarynda ǵana emes, sondaı-aq eńbek ūjymdarynda jáne qala tūrǵyndary arasynda Qarjylyq monıtorıng agenttígímen bírlesíp ótkízíletín bolady.
«Zań jáne tártíp»: almatylyq eríktíler sybaılas jemqorlyqtyń aldyn aluǵa atsalysady
