Qazaqstan poıyzy 2026 jylǵy 20-25 nauryz aralyǵynda “Jibek Joly” turıstík poıyzynyń qūramynda Ūly Jíbek joly boıymen saparǵa attanady, dep habarlaıdy aqshamnews.kz
Poıyz tarıhı baǵyttaǵy mańyzdy qalalardy qamtıdy: Almaty – Túrkístan – Samarqand – Dushanbe – Tashkent – Almaty. Osylaısha Ortalyq Azıyanyń kóne ruhanı ortalyqtary men zamanauı astanalaryn baılanystyrady. Joba halyqaralyq temírjol turızmín damytuǵa, mádenı baılanystardy nyǵaıtuǵa jáne óńírdíń tarıhı mūrasyn keńínen nasıhattauǵa baǵyttalǵan.
Jolaushylar qauípsízdík, energıya únemdeu jáne ekologıyalyq talaptarǵa saı zamanauı standarttarmen jasalǵan vagondarda sapar shegedí. Tolyq jańartylǵan ınterer tozuǵa tózímdí materıaldardan oryndalǵan. Vagondar jaıly jaryqtandyrumen, sapaly akustıkamen jáne mıkroklımat júıesímen jabdyqtalǵan.
Salon-transformer túngí ūıyqtaıtyn oryndardy kúndíz yńǵaıly dıvanǵa aınaldyruǵa múmkíndík beredí. Ár jolaushyǵa arnalǵan USB jáne 220 V rozetkalary, Wi-Fi, klımat-baqylau jáne beınebaqylau júıelerí qarastyrylǵan. Baǵyt turaly aqparat beretín elektrondy júgírme jolaq pen audıoınformator ornatylǵan.
Qaldyqtardy jabyq júıede qaıta óńdeıtín jańa buyndaǵy ekologıyalyq bıodárethanalar ıís máselesín sheshíp, poıyz ayaldamada tūrǵan kezde de dárethanany paıdalanuǵa múmkíndík beredí. LED-jaryqtandyru men zamanauı jylu oqshaulau sheshímderí ekologıyalyq jáne energıyany únemdeudí qamtamasyz etedí.
Ortalyq kondıtsıonerleu júıesí jyldyń kez kelgen mezgílínde jaıly temperaturany ūstap tūrady. Órt sóndíru jáne beınebaqylau júıelerí jolaushylardyń qauípsízdígín arttyrady. Tehnıkalyq jáne paıdalanu tūrǵysyndaǵy jańartular poıyzdyń bírqalypty júruín qamtamasyz etíp, otyrǵyzu jáne túsíru aımaqtary jaryqtandyrylǵan platformalarǵa yńǵaıly shyǵudy kózdeıdí.