Birikken Ulttar Uıymy 2026 jyldy Halyqaralyq eriktiler jyly dep jarıalaǵandyqtan, Almatyda eriktiler men jastar qozǵalysyn damytýdyń negizgi baǵyttaryn tanystyrdy. Óńirlik komýnıkasıalar qyzmetinde Jastar saıasaty basqarmasynyń basshysy Azız Kajdenbek osy jaıly aıtty.
Onyń aıtýynsha, Halyqaralyq eriktiler jylyn ótkizý týraly sheshim Qazaqstan Respýblıkasynyń Prezıdenti Qasym-Jomart Toqaevtyń bastamasymen júzege asyp kele jatqan kópjyldyq júıeli jumystyń nátıjesi bolyp otyr.
«2026 jyldyń Halyqaralyq eriktiler jyly retinde tanylýy – sımvoldyq qadam emes, bul Prezıdent Qasym-Jomart Toqaevtyń bastamasymen júzege asqan dáıekti ári júıeli jumystyń nátıjesi. Bul eshnársege beıjaı qaramaıtyn belsendi azamattardyń ortaq jetistigi», – dedi Azız Kajdenbek.
Almaty – Qazaqstandaǵy jastary eń kóp qala bolǵandyqtan, eldegi eriktiler qozǵalysyn damytýda erekshe oryn alady. Qalda qazir 712 myńnan astam jas turady, olar 35 joǵary oqý orny jumys isteıdi. Osy jaqynda Almaty Qazaqstan men túrki álemindegi jastardyń astanasy mártebesine ıe boldy.
Halyqaralyq eriktiler jyly aıasynda Almatyda segiz negizgi baǵyt boıynsha 200-den astam is-shara ótkizý josparlanǵan.
Sondaı-aq jyl boıy Almatyda «100 ıgi kezdesý» jobasy, Birgemiz Inclusion ınklúzıvti baǵdarlamasy, «Urpaqtar dıalogy – Almaty» tálimgerlik bastamasy, janýarlardy qorǵaý, mádenıet, qalalyq hakatondar, mýraldar men podkasttar salasyndaǵy jobalar júzege asatyny da aıtyldy.
«Bulardyń barlyǵy eriktilikti kemel adam bolýdyń, jastardy qalanyń damýyna qatystyrýdyń naqty quralyna aınaldyratyn turaqty júıe qalyptastyrýǵa baǵyttalǵan», – dep túıindedi sózin Azız Kajdenbek.
Halyqaralyq eriktiler jyly Almatyda 200-den astam is-shara ótedi
- Avtor aqshamnews.kz
- 12:10, 29 qańtar 2026
Óńirlik komýnıkasıalar qyzmeti