Almatyda ál-Farabı dańǵylynyń soltústík jaǵynda Esentaı ózeníndegí velosıpedshíler men júrgínshílerge arnalǵan kópírdíń qūrylysy jalǵasyp jatyr, dep habarlaıdy aqshamnews.kz
Al ońtústík bettegí júrgínshíler kópíríníń qūrylysy ís júzínde ayaqtalǵan. Būl turaly Almaty qalalyq jol ınfraqūrylymyn damytu basqarmasynyń ókílderí aıtty.
Jaqynda dıametrí 800 mm magıstraldyq su qūbyryn qaıta salu jáne tírekterdí ornatu úshín shūńqyr qazu jūmystary bastalady.
Joba ayasynda aǵash kesu josparlanǵan, onyń íshínde 14 apatty jaǵdaıdaǵy aǵash bar. Sondaı-aq, 12 jóke aǵashy basqa jerge kóshíríledí. Sonymen qatar, írgeles aumaqty kóríktendíru ayasynda būl uchaskede 80 írí kólemdí aǵash jáne shamamen 50 būta egu kózdelgen. Bıyl kóktemde kesílgen aǵashtardyń ornyna qosymsha taǵy 580 aǵash egu josparlanyp otyr.
«Kópírdíń avtojol bólígí 2023 jyly qaıta jańǵyrtylǵan bolatyn. Al velo júrgínshíler ınfraqūrylymynyń bastapqy jobasynda 135 aǵash kesu qarastyrylǵan edí, būl qala tūrǵyndarynyń narazylyǵyn tudyrdy. Osyǵan baılanysty ákímdík jobany ózgertu, kópírlerdí avtojol bólígíne jaqyndatu jáne ınjenerlík jelílerdí kóshíru turaly sheshím qabyldady. Endí ońtústík jaqtaǵy 26 aǵash kesíledí. Bíz árbír aǵashtyń, ásírese qaıta egíletínderdíń jaǵdaıyn jítí baqylauda ūstaımyz. Jalpy, jobany bıyl tamyz aıynda ayaqtau josparlanyp otyr, al kóríktendíruge qatysty qandaı da bír eskertu bolsa, merdíger olardyń barlyǵyn túzetedí», — dedí qoǵam belsendísí, «Jasyl komıssıya» múshesí Omar Nūrhaıdarov.