Jetísu audanynda būrynǵy óndírístík quatyn joǵaltqan kásíporyndardyń ónerkásíptík qoryn kezeń-kezeńímen qaıta qūru jūmystary bastaldy, dep habarlaıdy aqshamnews.kz
Almaty ákímí Darhan Satybaldynyń tapsyrmasymen jūmys ístep tūrǵan árí būryn belsendí qyzmet atqarǵan óndírístík alańdardyń bazasynda shaǵyn ónerkásíp parkterín qūru jóníndegí qalalyq bastama júzege asyrylyp jatyr.
Qazírgí uaqytta audanda aumaǵyn jańǵyrtyp, shaǵyn ónerkásíp parkke aınaldyruǵa daıyn ekenín bíldírgen 10-nan astam ónerkásíptík kásíporyn aıqyndaldy. Būl ınfraqūrylymnyń tozuy nemese tehnologıyanyń eskíruíne baılanysty óz betínshe jańaruǵa múmkíndígí joq bolǵanymen, ınjenerlík jelílerí tartylǵan óndírístík alańdary saqtalǵan mańyzdy nysandar.
Shaǵyn ónerkásíp parkteríníń formaty bír mezette bírneshe shaǵyn jáne orta bıznes subektísín ornalastyruǵa arnalǵan zamanauı óndírístík keńístík qūruǵa baǵyttalǵan. Mūndaı tásíl būryn tolyq paıdalanylmaǵan tsehtar men qoıma ǵımarattaryn qaıtadan sharuashylyq aınalymǵa engízuge múmkíndík beredí.
Alǵashqy pılottyq alańdar retínde ónerkásíptík áleuetí joǵary árí ornalasuy qolaıly nysandar íríkteldí. Olardyń qatarynda beton jáne temírbeton būıymdaryn shyǵaratyn «Temírbeton-1», jol qozǵalysyn ūıymdastyruǵa arnalǵan ónímder óndíretín «Jol belgílerí zauyty», sondaı-aq būryn Almaty et kombınaty ornalasqan aumaqtaǵy «Nūrálem Almaty» bar.
Qazírgí kezde Almaty ákímdígíníń qoldauymen kásípkerler «Almaty Finance» AQ arqyly jeńíldetílgen qarjylandyru alu úshín qūjattar toptamasyn ázírlep jatyr. Qarajat ǵımarattardy jańartuǵa, ınjenerlík ınfraqūrylymdy jańǵyrtuǵa jáne jańa óndírísterdí íske qosuǵa baǵyttalady.
Jospar boıynsha shaǵyn ındustrıyalyq parkterdíń aumaǵy 5 myńnan 10 myń sharshy metrge deıín jetedí. Qarjylandyru bekítílíp, rūqsat qūjattary rásímdelgen soń zamanauı, qauípsíz árí ekologıyalyq talaptarǵa saı óndírístík alańdardy qūruǵa baǵyttalǵan qūrylys-montaj jūmystary bastalady.