Memleket basshysy Joǵarǵy Sot tóraǵasyn qabyldady

Prezıdentke sot tórelígín íske asyrudyń byltyrǵy qorytyndylary men aldaǵy kezeńge arnalǵan jospary bayandaldy.

Aslambek Merǵalıev:

sot tórelígíníń sapasy tūraqty túrde saqtalǵanyn aıtty. 

Joǵary tūrǵan sot satylary sot aktíleríníń 98,8 paıyzyn túzetpegen.

Ákímshílík ádílet ayasyndaǵy júıelí sharalardyń nátıjesínde memlekettík organdarmen aradaǵy daular kezínde azamattardyń qūqyǵyn qorǵau kórsetkíshterí jaqsardy: ákímshílík organdar men lauazymdy tūlǵalardyń 4,5 myń aktísí zańsyz dep tanyldy.

Tatulastyru rásímderín qoldanu úlesí azamattyq ísterde – 45,9 paıyzdy, ákímshílík ísterde 11,8 paıyzdy qūrady. Ákímshílík qūqyq būzushylyqtar turaly ís sany 11,8 paıyzǵa azaıdy (500 myńnan 441 myńǵa deıín tómendedí).

Raqymshylyq aktísín jarıyalau arqyly 583 adam jazadan, 5 myńnan asa sottalushy jazasyn odan árí óteuden bosatyldy, 9,2 myń adamnyń jaza merzímí qysqartyldy.
Qamauda ūstauǵa rūqsat beruden bas tartu úlesí 25,7 paıyzdan 37,5 paıyzǵa deıín artty. 

Onyń ornyna úı qamaǵyna alu ekí ese jıí taǵaıyndaldy (2786-dan 5019-ǵa deıín ūlǵaıdy). Būǵan elektrondy braslettí keńínen qoldanu yqpal ettí (954 adamnan 2283 adamǵa deıín). Būl byudjet shyǵyndaryn ońtaılandyruǵa jáne tergeudegí azamattardyń qoǵammen qarym-qatynasyn saqtauǵa múmkíndík beredí.
Kassatsıyalyq sotqa sūranystyń joǵary ekení baıqaldy. Jarty jyl íshínde Kassatsıyalyq sotqa 16,2 myńnan asa aryz-shaǵym men narazylyq túsken. Byltyrǵy osy kezeńde Joǵarǵy sotqa 9,8 myń aryz-shaǵym jasalǵan bolatyn. 
Kassatsıya arqyly túzetílgen sot aktíleríníń úlesí azamattyq ísterde – 3 paıyzdan 18 paıyzǵa, qylmystyq ísterde 8 paıyzdan 28 paıyzǵa deıín ūlǵaıdy.

Ūlttyq statıstıka byurosynyń málímetíne sáıkes, sot júıesíne absolyuttí sením deńgeıí 3 jylda, yaǵnı 2023 jyldan berí 55,2 paıyzdan 63,2 paıyzǵa deıín óskení jónínde aqparat berdí.

Prezıdent «Zań jáne tártíp» qaǵıdatyn júzege asyrudyń, azamattarǵa ádíl sot tórelígín qamtamasyz etudíń, sondaı-aq zań ústemdígíne basymdyq beríp, qoǵamnyń sot júıesíne senímín arttyrudyń mańyzyn atap óttí.