Alataý aýdanynda qoǵamdaǵy eń belsendi 250-ge jýyq er- azamattyń basyn qosqan Ákeler forýmy bolyp ótti, dep habarlaıdy aqshamnews.kz
İs-shara Nurkent shaǵynaýdanyndaǵy Inovasıalyq shyǵarmashylyq ortalyǵynda uıymdastyrylyp, «Zań jáne tártip» ıdeologıalyq platformasy aıasynda ótkizildi.
Forým barysynda qatysýshylar ákeniń otbasyndaǵy negizgi róli, ata-ananyń bala tárbıesindegi jaýapkershiligi, sondaı-aq kámeletke tolmaǵandar arasyndaǵy quqyqbuzýshylyqtyń aldyn alý máselelerin talqylady.
Ashyq ári konstrýktıvti dıalogqa prokýratýra ókilderi, ıývenaldyq polısıa, qorǵanys organdary, sondaı-aq shaqyrylǵan sarapshylar men qoǵam qaıratkerleri qatysty.
Spıkerler otbasylyq qundylyqtardyń mańyzdylyǵyna, óskeleń urpaqtyń bolashaǵy úshin jaýapkershilikke jáne balalar úshin qaýipsiz orta qalyptastyrýda memleket pen qoǵamnyń birlesken jumysynyń qajettiligine erekshe nazar aýdardy.
Forým tájirıbe almasýǵa, ózekti máselelerdi talqylap, otbasy ınstıtýtyn nyǵaıtýǵa, sondaı-aq bala tárbıesinde ákelerdiń belsendi azamattyq ustanymyn qalyptastyrýǵa baǵyttalǵan bastamalardy ázirleýge arnalǵan alańǵa aınaldy.