Almatyda eriktilerdi sıfrlyq esepke alý jaǵy qolǵa alynady

2026 jyly Almaty jastardy eriktilik qyzmetke tartýdyń osy zamanǵy sıfrlyq tásilderine de júgine bastaıdy. Iaǵnı, geımıfıkasıa elementteri qoldanysqa enip, eriktiler sıfrlyq esepke alynady. Óńirlik komýnıkasıalar qyzmetinde Jastar saıasaty basqarmasynyń basshysy Azız Kajdenbek osylaı dedi. 

Spıkerdiń aıtýynsha, eriktiler ınfraqurylymyn damytý men zamandyq sıfrlyq sheshimderdi engizýge erekshe kóńil bólingeli otyr. Qazirgi tańda Almaty eriktiler front-keńsesi 58 myńnan astam eriktiniń basyn qosyp otyr, 2025 jyldyń ózinde 2 myńnan astam qalalyq is-sharaǵa qoldaý kórsetken. Bul eriktiler qozǵalysynyń aýqymy úlken ekenine dálel.

«Bizdiń basty mindetimiz – eriktilikti bir rettik aksıa qylmaı, jastardy damytatyn, olardy qala ómirine kiriktiretin bastamaǵa aınaldyrý», – deıdi.

Atap aıtqanda, qalada volonterliktiń sıfrlyq modeli engiziledi. Oǵan qatysatyn ár adamnyń mártebesi, jeke statısıkasy, mısıalary men jetistikteri kórsetiletin eriktilerdiń sıfrlyq pasporty qalyptasady. Sonymen qatar Volu-Coins atty yntalandyratyn valúta engizý de josparlanyp otyr. Bul valútany jabyq is-sharalarǵa qatysyp, brend ónimder alyp, qoǵamǵa belili adamdarmen kezdeskende paıdalanýǵa bolady.

Úzdik eriktiler qalalyq reıtıńterge engizilip, strategıalyq jobalarǵa qatysady. Arnaýly vızýaldy sıfrlyq karta eriktilerdiń jumysy men bastamalarǵa qatysýdy kórneki túrde baqylaýǵa múmkindik beredi.

2026 jyly Almatyda «Almaty Volunteers 2026» lendıngin iske qosyp, jastar alańdarynda qaldyqtardy suryptaý pýnktterin ashý, Eriktiler akademıasynyń jumysy, jazǵy kóshbasshylyq lager ótkizý men Volunteer Skills Map sıfrlyq kartasyn engizý de mejelengen. Eriktiler ortalyǵynyń biryńǵaı jumys standartyn ázirlep, verıfıkasıa tetikterin engizip, erikti mártebesin damytý boıynsha usynys ta ázirlenip jatyr.