Ǵylymı ataqtar úshin qosymsha aqy mólsheri ulǵaıtyldy.
JOO ustazdary men ǵylymı qyzmetkerlerdiń jalaqysy kóteriledi, dep habarlaıdy aqshamnews.kz
2023 jylǵy 1 qańtardan bastap ǵylymı uıymdar qyzmetkerleriniń laýazymdyq jalaqysy 18%-ǵa, 2024 jylǵy qańtardan bastap 18%-ǵa, 2025 jylǵy qańtardan bastap 17%-ǵa ulǵaıtyldy.
QR Ǵylym jáne joǵary bilim mınıstrliginiń jazýynsha, JOO profesor-oqytýshylar quramynyń jalaqy mólsheri 160,7 myń teńgeden 350 myń teńgege deıin, ulttyq joǵary oqý oryndarynda 228,8 myń teńgeden 400 myń teńgege deıin ósti.
Ǵylymı ataqtardyń bolýy úshin ǵylymı qyzmetkerlerge qosymsha aqy mólsheri ulǵaıtyldy. Bul zańǵa Memleket basshysy osy jyldyń 6 mamyrynda qol qoıdy.
«Ózgeristerge sáıkes, fılosofıa doktory (PhD), beıini boıynsha doktor, ǵylym kandıdaty ǵylymı dárejesi jáne qaýymdastyrylǵan profesor (dosent) ataǵy úshin tólenetin qosymsha aqy 25 AEK-ti (92 300 teńge) quraıdy. Al ǵylym doktory jáne qaýymdastyrylǵan profesor (dosent) ǵylymı ataǵy úshin 42 AEK (155 064 teńge), fılosofıa doktory (PhD), beıini boıynsha doktor, ǵylym kandıdaty, ǵylym doktory dárejesi jáne profesor ǵylymı ataǵy úshin 50 AEK (184 600 teńge) mólsherinde qosymsha aqy tólenedi», - dep habarlady mınıstrlik.
40 jasqa tolmaǵan daryndy jas ǵalymdarǵa joǵary jáne JOO keıingi bilim berý uıymynyń endaýment-qorynyń ınvestısıalyq kiris qarajatynan stıpendıa alý quqyǵy berildi.