Joǵary jáne joǵary oqý ornynan keıingi bilim departamenti dırektory Ádilet Toıbaev JOO oqytýshylarynan talap etiletin qujattar tizimi qysqarǵanyn málimdedi, dep habarlaıdy Almaty-akshamy.kz Elorda.info-ǵa silteme jasap.
Endi oqytýshylardan kelesi qujattar talap etilmeıdi:
- Oqytýshylardyń árbir aıǵa arnalǵan oqý jumys ýaqytyn esepke alý vedomosi (saǵatpen jáne (nemese) kredıtpen);
- Oqytýshylardyń jyl ishindegi oqý ýaqytyn esepke alý vedomosi (saǵatpen jáne (nemese) kredıtpen);
- Emtıhan vedomosi (bilim alýshylardy aralyq atestattaý úshin);
- Bilim alýshylardy qorytyndy atestattaýdan ótkizý jónindegi komısıa otyrysynyń hattamalary. Bilim alýshylardy qorytyndy atestattaý jónindegi komısıa otyrysynyń qorytyndy atestattaý emtıhandaryn tapsyrý týraly hattamasy
- Bilim alýshylarǵa biliktilik berý týraly qorytyndy atestattaýdy ótkizý jónindegi komısıa otyrysynyń hattamasy (jıyntyq);
- Bilim alýshylardy qorytyndy atestattaý jónindegi komısıanyń bilim alýshylardyń bitirý jumysyn qaraý boıynsha (dıplomdyq joba (jumys) otyrysynyń hattamasy;
- Emtıhan vedomosi;
- Kafedranyń jumys jospary;
- Synaq kitapshalary;
- Oqý úlgeriminiń jýrnaly.
Departament joǵary oqý oryndaryna mınıstrlik tarapynan kúshi joıylǵan eseptiliktiń jeke qaǵaz túrlerin jasamaýdy, josparlaý men qujat aınalymynyń sıfrlyq júıesine tolyq kóshýdi júzege asyrýdy usyndy.
«Alaıda, keıbir joǵary oqý oryndarynda áli kúnge deıin profesor-oqytýshylar quramynan artyq eseptilik qujattary talap etiletini týraly aqparat túsip jatyr. Mysaly, stýdentter úlgeriminiń qaǵaz jýrnaly, profesor-oqytýshylar quramynyń atqarǵan jumystary týraly apta saıynǵy, aı saıynǵy esepter», – dep jazdy Ádilet Toıbaev.