Astanada jumyssyzdyqty azaıtý jáne halyqtyń tabysyn arttyrý maqsatynda qolǵa alynǵan JOLTAP jobasy tabysty júzege asýda. Bul týraly Aqshamnews.kz saıty habarlaıdy. Qala kóshelerinde «Barshaǵa múmkindik» atty modýldik pýnktter ashylyp, turǵyndarǵa túrli salada tegin bilim alýǵa jáne memlekettik qoldaýǵa ıe bolýǵa jaǵdaı jasalǵan.
JOLTAP aıasynda elordalyqtar satýshy-kassır, tiginshi, barısta, býhgalterlik esep, avtoslesar, polımerli boıaý mamany, Wildberries jáne Kaspi platformalarynda saýda jasaý negizderi sekildi baǵyttarda qysqamerzimdi kýrstardan óte alady. Kýrstarǵa 18 ben 50 jas aralyǵyndaǵy turǵyndar qatysyp, sıfrlyq jáne jumysshy mamandyqtardy tegin meńgerý múmkindigine ıe.
Jobanyń sátti qatysýshylarynyń biri – Ázıza Baýbekova. Ol Kaspi dúkeninde saýda jasaýdyń negizderin oqyp, onlaın dúken ashý, salyq tóleý, esep tapsyrý sekildi daǵdylardy meńgergen. «Instagram-nan osy joba týraly oqydym. Jaqyn mańdaǵy modýldik pýnktke baryp, mamandardan keńes aldym. Kýrsta oqytýshylar bizge barlyq taqyrypty qarapaıym tilde jetkizdi», – deıdi ol.
Negizgi qyzmeti – aǵylshyn tilinen sabaq berý bolsa da, Ázıza tigin isimen de aınalysady. Endi ol óz qolynan shyqqan buıymdardy Kaspi dúkeni arqyly satýdy josparlap otyr.
Joba qatysýshysy JOLTAP týraly jyly pikirin de bildirdi: «Bul – óte paıdaly ári tegin joba. Jańa orta, jańa tanystar jáne shabyt aldym. Osyndaı bastamalar kóbirek bolsa eken», – deıdi ol.
JOLTAP jobasy – elordalyqtar úshin jumysqa ornalasý, jańa mamandyq meńgerý, kásip ashý sıaqty mańyzdy baǵyttarda naqty kómek berip jatqan aýqymdy bastama. Mundaı jobalar Astana turǵyndarynyń ál-aýqatyn arttyryp, qoǵamnyń áleýmettik-ekonomıkalyq belsendiligin kúsheıtýge jol ashady.