Synaq sátti ótken jaǵdaıda ony basqa da respýblıkalyq mańyzdaǵy tasjoldarǵa ornatý kózdelip otyr.
Tehnologıany otandyq "Nur-Saylet" kompanıasy oılap tapty, , dep habarlaıdy Almaty-akshamy.kz
"QazAvtoJol"-dyń málimetinshe, jolǵa mal shyqqan jaǵdaıda eskertý jasaıtyn tehnologıa synaqtan ótkizile bastady.
Respýblıkalyq mańyzy bar "Óskemen-Semeı" kúrejolynyń 102 shaqyrymynda janýarlardyń kesirinen bolatyn jol apattarynyń aldyn alýǵa arnalǵan "Qorǵaý" avtonomdy jaryq-sıgnaldyq kesheni synaqtan ótip jatyr.
Mamandar bul tájirıbelik-eksperımenttik ýchaskeni joldyń eki jaǵynda mal sharýashylyǵy bolǵan soń tańdady.
Synaqtan ótip jatqan keshen zıatkerlik komýnıkasıa júıesine negizdelgen birneshe qurylǵydan (posttardan) turady. Bul tehnologıanyń basty artyqshylyǵy — kólik júrgizýshileri qaraýsyz jaıylǵan úı janýarlary kenetten jol boıyna shyqqan kezde eskertý sıgnalyn alady. Qurylǵy kúndiz de, túngi ýaqytta da jumys isteıdi.