Kún jylysymen saıabaqtar men ormandarda jáne gúlderdiń aınalasynda aralar kóbeıedi.
Aranyń shaǵýynan bolatyn ólim jaǵdaılary sıre kezdesedi, degenmen ony elemeı qoıýǵa taǵy bolmaıdy
Qandaı jaǵdaıda aranyń shaǵýy qaýipti bolýy múmkin jáne ara shaqqanda ne isteý kerek?
Bul týraly Almaty-akshamy.kz Massaget.kz portalyna silteme jasaı otyryp habarlaıdy.
Aralardyń tabıǵatqa paıdasy mol bolǵanymen, olardyń shaǵýy adamǵa qaýipti. Adamǵa ara emes, onyń bizgegindegi ý qaýip tóndiredi. Ara shaǵýynyń negizgi belgilerine shaqqan jerdiń kúıip aýyrýy, qyshý, isip ketý, bas aýyrý jáne bas aınalý jatady. Keı adamdar denesinde álsizdik sezedi, júrek soǵysy jıileıdi jáne lımfalyq túıinder úlkeıip ketedi.
Kóp jaǵdaıda adamdar ara shaǵýyn jeńil ótkeredi. Alaıda eger adamnyń ımýnıteti álsiz bolsa, alergıaǵa beıim bolsa jáne sozylmaly aýrýy bar bolsa, ol keı asqynýlarǵa shaldyǵýy múmkin.
Asqynýlardy boldyrmas úshin árbir adam ara shaqqanda alǵashqy kómekti qalaı jasaý keregin bilýi kerek. Myna rettilikti saqtaǵan jón:
Ara shaqqan jerdi tekserý kerek. Eger aranyń bizgegi shaqqan jerde qalyp qoısa, ony antıseptıkpen nemese spırtpen óńdelgen pınsetpen alyp tastaý kerek. Bastysy, bizgekti qolmen qyspaǵan durys, áıtpese ý qaldyqtary tinge tereń enip ketedi;
jarany antıseptıkalyq quralmen zalalsyzdandyrý kerek;
jara shaqqan jerge salqyn birdeńe basqan jón;
sýdy kóbirek ishý kerek;
ara shaqqan jerge antıgıstamındik jaqpamaı nemese krem jaǵý qajet.
Eger ara kózdi, aýyz qýysyn shaǵyp alsa, jyldam jedel medısınalyq kómek shaqyrtý kerek. Aranyń bet tusyn shaqqany qaýipti. Bul jaǵdaıda alergıaǵa beıim emes adamnyń ózinde qatty isik paıda bolýy múmkin. Eger ara tildi shaǵyp alsa, ol qatty isip, tynys alýdy bitep tastaýy múmkin.
Myna jaǵdaılarda jedel járdem shaqyrý kerek:
ara shaqqannan keıin degene bórtpe nemese basqa da alergıalyq reaksıa shyǵyp ketse;
ara shaqqan adamnyń temperatýrasy kóterilip ketse;
adamdy birden birneshe ara shaǵyp alsa.