Bul týraly Sybaılas jemqorlyqqa qarsy is-qımyl agenttigi tóraǵasynyń birinshi orynbasary Dmıtrıı Malahov aıtty.
Sottalýshylarǵa 35 mln teńgeden asa para aldy degen aıyp taǵylǵan, dep habarlaıdy Almaty-akshamy.kz
«Almaty oblystyq bilim basqarmasynyń burynǵy basshysy Maıgúl Omarova 10 jylǵa, óńirlik aqparattyq tehnologıalar ortalyǵynyń basshysy Arapbı Meńlibaev 11 jylǵa, bilim basqarmasynyń bas mamany Baqyt Abdoldanova 10 jylǵa bas bostandyǵynan aıyryldy. Olar memlekettik satyp alýǵa qatysty kelisimshartqa para aldy dep aıyptalǵan», - dedi Malahov Taldyqorǵandaǵy jıynda.
Eske salaıyq, Maıgúl Omarova 2021 jyldyń 9 aqpanynda ustalǵan. Tergeý materıaldaryna sáıkes, ol 2020 jyldyń qazan-qarasha aılarynda jalpy somasy 406 mıllıon teńgege 2522 noýtbýk jetkizýge jáne pandemıamen kúres boıynsha daǵdarysqa qarsy sharalar sheńberinde satyp alynǵan noýtbýkterdi kedergisiz qabyldaýǵa memlekettik satyp alý shartyn jasaǵan.