Joldaýǵa qatysty QHA músheleri pikir bildirdi. Bul týraly Almaty-akshamy.kz Assembly.kz-ke silteme jasap habarlaıdy.
Básekege tótep bere alatyn el bolamyz desek, Qazaqstan Respýblıkasynyń Prezıdenti Qasym-Jomart Toqaevtyń halyqqa arnaǵan Joldaýynda bilimdi, ǵylymdy jetildirý máselesi tolyq aıqyndalǵan. Joldaýda kórsetilgen el ekonomıkasyn jáne el basqarýdy túbegeıli ózgertýdiń qajettiligin ómirdiń ózi talap etkendigin aıta kele, Prezıdent bizdiń bolashaq damýymyz jan -jaqty saraptalǵan ózgerister jasaýǵa baılanysty dep kórsetti. Sońǵy jarty jyldaǵy álemdegi indet, daǵdarys bizdiń álsiz jaqtarymyzdy ashyq kórsetti. Joldaýda sonyń ornyn tolyqtyrýdy usyna otyryp, jas urpaqtyń oqýyna, úzdiksiz bilim alý jáne ǵylym salasynda jetistikterge jetýine barlyq jaǵdaıdy jasaýdyń mańyzdylyǵyna erekshe toqtalǵan.
HH ǵasyrdyń basynda Alash zıalylary Reseı ımperıalyq-otarshyl úkimetiniń ózine de petısıa jazyp talaı irgeli usynystar jasap, sol kezdegi Dýmada qazaqtyń jer, oqý, din t.b. strategıalyq máselelerin durys talqylaýǵa qol jetkizgen edi. Al búgin memlekettik-ulttyq mańyzdy máselelerdi sheýde halyq pikirimen sanasatyn, halyqty tyńdaı biletin bılik bolsyn "deıtin ustanymyna berik Prezıdent , halyqtyń petısıa jazý arqyly mańyzdy ulttyq sheshimder qabyldaýda tikeleı atsalysýy qajet " degen pikirin biz óte durys dep sanaımyz.
Tarıh sabaǵynan taǵlym alý tek jaqsy nátıjege jetkizedi. Sonymen qatar, Joldaýdyń birinshi qyrqúıek jańa oqý jylynyń bastalaý kúninde jarıalanýy "El bolam deseń besigińdi túze" degen tarıhı tujyrymǵa mán bergendiktiń belgisi dep sanaımyz.
Sondyqtan akademık E.A.Bóketov atyndaǵy Qaraǵandy ýnıversıtetiniń tarıhshy ustaz ǵalymdary, El Prezıdentiniń jańa ekonomıkalyq,saıası jáne áleýmettik jaǵdaıǵa baılanysty el taǵdyryn jan-jaqty taldap, damýdyń strategıasyn kórsetken osy Joldaýyn qoldaı otyryp ,ony iske asyrý úshin barlyq bilimimiz ben tájirıbemizdi jumyldyramyz!