Prezıdentimiz Q.K.Toqaevtyń halyqqa arnaǵan Joldaýy júıeli ári keshendi maqsattar men baǵyttardy qamtyǵan. Olardyń qatarynda ekonomıkanyń túrli salalaryn keńinen sıfrlandyrý, aýyl sharýashylyǵyna ınovasıalardy engizý, qalalardyń qarqyndy damýyn qamtamasyz etý bar.
Ásirese, óndiristerdi avtomattandyrý men málimetterdi jınaqtaýdy júıelendirýge nazar aýdaryldy. Memlekettik organdar men qyzmetterdiń sıfrlandyrylý deńgeıi aldaǵy ýaqytta odan ary arttyrylatyn bolady. Sıfrlyq jańa arhıtektýranyń júıesi qalyptastyrylady. Osy rette bir-birin qaıtalaıtyn fýnksıalar azaıtylatyn bolady. Azamattarǵa qyzmet usyný aýqymy men dárejesi jetildiriledi. Otandastarymyz smartfon arqyly barlyq qyzmetterdi ala alatyn bolady.
Osymen qatar, aqparattardy jetkizý jelileri jańartylady. Elimizdiń aqparattyq jáne telekommýnıkalyq potensıaly artatyn bolady. Memleket basshysy atap ótkendeı, Qazaqstan Ortalyq Azıa óńiriniń sıfrlyq habyna aınalýy qajet. Bul úshin kadrlardy ázirleý kúsheıtiletin bolady.
Joldaýda kreatıvti ekonomıkany qoldaýdyń qoryn qurý atalynyp ótti. Osy rette bul salany damytýda Almatynyń úlesi mol bolmaq. Shaharymyzda bul baǵytta arnaıy basqarma qurylyp, keshendi jospar ázirlenip iske asyrylyp keledi. Taǵy bir mańyzdy nárse, óńirlerdiń turaqty jáne birkelki damýyna da úlken mán berildi. Ýrbanızasıa prosesin eskere otyryp, qalalardyń ósý ortalyqtary bolatyny atalyp ótti.
Joǵaryda atap ótken sıfrlandyrý úrdisin jan-jaqty júzege asyrý úshin bilikti mamandardy ázirleý strategıalyq mańyzdy másele bolyp tabylady. IT jáne tehnıkalyq salalarda mamandardy ázirleýge basa nazar aýdaryldy. Tehnıkalyq baǵyt qyzmetkerleriniń eńbekaqysyn arttyrý da ýaqyt talabyna saı sheshim dep bilemiz.
Osymen birge Joldaýda áleýmettik sharalardyń úlken toptamasy qarastyrylǵan. Atap aıtsaq, jeke menshik kompanıalardyń qyzmetkerleriniń eńbekaqylaryn arttyrý úshin salyqtyq jeńildikter jáne memlekettik qoldaý túrleri engiziletin bolady. Bunyń arqasynda mıllıondaǵan otandastarymyzdyń tabysy arta túsedi. Eńbektenip kele jatqan jaldamaly jumyskerlerdiń eńbekaqylaryn arttyrýǵa arnalǵan bastama da halyq tarapynan úlken qoldaý tabady degen oıdamyn. Bul elimizdiń árbir otbasyna oń áserin tıgizetin bolady.
Shaǵyn jáne orta kásipkerlik sýbektileriniń eńbekaqy qoryna qatysty ortaq birtutas tólemder 39%-dan 25%-ǵa azaıtylatyn bolady. Tómengi jalaqy mólsheri 42500-den 60 myń teńgege deıin artady. Bul azamattardyń kirisiniń ulǵaıýyna, kóleńkeli ekonomıkany qysqartýǵa jáne JİÓ artýyna septigin tıgizedi.
Muǵalimdermen jáne dárigerlermen qatar 2022-2025 jyldar barysynda mádenıet, muraǵat, tehnıkalyq sala, júrgizýshiler, qoryqshylardyń eńbekaqylarynyń jyl saıyn 20% artýy erekshe mańyzdy. Atap óterlik jáıt, bul máseleler Májilis depýtattarynyń Nur Otan partıasy Fraksıasy músheleriniń Almaty qalasyna shilde aıynda bolǵan issapary aıasynda kóterilgen bolatyn. Biz óz tarapymyzdan halyq kótergen máseleler men usynystardy jınaqtap, tıisti quzyretti organdarǵa joldadyq. Joldaý el azamattarynyń áleýmettik qamtylýyn arttyrýdyń jáne jastarymyzdyń bilimdi ári kemel bolashaǵynyń negizi bolady. Baǵdarlamalyq qujatta atalyp ótkendeı, basty maqsat – azamattardyń ómir sapasyn nyǵaıtý. Bul oraıda qalalar men aýyldardyń, jalpy barlyq óńirlerdiń damýyna úlken basymdyq beriletin bolady.