Tártíp saqshylary arnaıy operatsıya barysynda qūpıya orynǵa jasyrylǵan qaru-jaraq tapqan
Almaty polıtseılerí qaru-jaraq arsenalyn tárkíleu boıynsha arnaıy operatsıya júrgízdí, dep habarlaıdy Almaty-akshamy.kz Polisia.kz-ke sílteme jasap.
«46 jastaǵy D.esímdí azamattyń kólígí Jandosov pen Yassauı kósheleríníń qıylysynda ūstaldy. Tergeu sotynyń rūqsatymen kólíktí jáne kúdíktíní tíntu kezínde patrondary bar ekí tapansha tabyldy jáne tárkílendí. D.esímdí azamattyń tūrǵylyqty jerí - Almaty oblysy Talǵar audanynda qūpıya orynnan taǵy alty qaru, onyń íshínde 12 kalıbrlí Vınchester, granata jáne 60 patron tabyldy», – dedí Almaty qalalyq PD krımınaldyq polıtsıya basqarmasynyń bastyǵy Quatbek Nauatov.
Polıtsıya basqarmasy basshysynyń aıtuynsha, qarudyń kímge tıesílí ekendígín, sondaı-aq qandaı da bír qylmysqa qatysynyń bar-joǵyn anyqtau úshín tárkíleníp, sot-ballıstıkalyq saraptamaǵa jíberíldí.
Onyń aıtuynsha, kúdíktíníń úıínen ūntaq zat salynǵan tórt buma tabyldy. Medıtsınalyq saraptama kúdíktíníń ūstalǵan kezde esírtkíge mas bolǵanyn anyqtady.
QazírQR QK 287-baby 3-bólígíne sáıkes sotqa deıíngí tergeu júrgízílude. D.esímdí azamat polıtsıya departamentíníń uaqytsha ūstau ızolyatoryna qamaldy.